Merilin Monronun ölümünün gizli detalları: Kennedi qardaşları... - FOTO

Hollivudun əfsanəvi ulduzu Merilin Monronun faciəli ölümünün arxasında gizlənmiş sirli təfərrüatlar illər sonra yenidən gündəmə gəlib. Yeni yayımlanan iddialar, onun ABŞ-ın 35-ci prezidenti Con F. Kennedidən hamilə olduğunu və bu sirrin onun ölümünə səbəb ola biləcəyini göstərir.

Milli.Az xəbər verir ki, "Daily Mail"in köşə yazarı Morin Kallahan tərəfindən yazılmış "Sormayın: Kennedilər və onların məhv etdiyi qadınlar" adlı kitabda iddia edilir ki, Merilin Monro həm Con, həm də Robert Kennedi ilə münasibətdə olub və onların həyatında sadəcə bir "oyuncaq"a çevrilib. Yazara görə, hər iki qardaş onu tərk etdikdən sonra aktrisa dərindən sarsılıb.

Robert Kennedinin isə Mərkəzi Kəşfiyyat İdarəsinin Merilini izlədiyini bildiyi və bu səbəbdən onunla əlaqəsini kəsməyə məcbur olduğu deyilir. Monronun keçmiş həyat yoldaşı, dramaturq Artur Miller də Kennediləri bu faciəli sonluqda günahlandırmışdı.

"Böyük Qaranlıq Sirr" - Uşağın Atası Kim idi?

"RadarOnline" nəşri isə Monronun prezidentlik kampaniyası zamanı Con Kennedidən hamilə qaldığını yazıb. Mənbələrə görə, bu hamiləlik ictimailəşsəydi, Kennedinin siyasi karyerası üçün ağır nəticələr doğura bilərdi və ABŞ siyasətində sarsıntıya səbəb olardı.

Artur Miller isə uşağın atası kimi fransız aktyor İv Montanı görsə də, Merilin hamiləliyin həqiqi atasını çox yaxşı bildiyi və bu haqda Con Kennediyə də danışdığı deyilir. Nəticədə aktrisa abort etdirmiş, lakin Kennedi ilə münasibətini davam etdirmişdi.

Prezidentin Ad Günündən Sonra Hər Şey Dəyişdi

Monronun prezident Con Kennediyə ad günü münasibətilə səhnədə "Happy Birthday, Mr. President" mahnısını oxuması Kennedilər ailəsində böhran yaratmış və Jaklin Kennedi onu seçim qarşısında qoymuşdu. Bu hadisədən sonra aktrisa Robert Kennediyə "təslim edilmişdi".

Son məlumatlara əsasən, Monro ölümündən əvvəl bu sirrləri ictimaiyyətlə bölüşməyə hazır idi. Lakin buna imkan tapmamış, 1962-ci ilin avqust ayında - cəmi 36 yaşında həyatını itirmişdi.

Monronun Ölümündə Yeni Şübhələr

Federal Təhqiqat Bürosunun son dövrlərdə açıqlanan məxfi sənədləri də Merilin Monronun ölümündə Kennedi qardaşlarının birbaşa və ya dolayı şəkildə rolunun ola biləcəyi versiyasını gücləndirir.

Fidan
Milli.Az