Şou-biznes

"Azərbaycan musiqisinə 950 nəfərlə qiymət verilirsə, bu, biabırçılıqdır"

13 Fevral 2025 23:11

Baxış: 406

#MUSİQİ

Klarnet ifaçısı Hüseyn Məhəmmədoğlu "Tarixin bir günü" verilişində qonaq olub.

Milli.Az xəbər verir k, musiqiçi proqramda televiziya reytinqləri haqda sərt çıxış edib:

"Onsuz da mən deməklə düzələn deyil, çağırmaq istədiyiniz müğənniləri verilişə dəvət edəcəksiniz. Mən sizi də anlayıram. Gündəlik verilişləri doldurmaq çox çətindir. Bu yaxınlarda belə qərara gəldim ki, artıq heç bir tənqidi çıxışlar etməyəcəyəm və heç kəs haqda danışmayacağam.

Deyirlər ki, xalqın gözü tərəzidir. Əgər bu tərəzini siz reytinqlə ölçürsünüzsə, bu başqa məsələ. Bu, tərəzi deyil. Siz reytinqi 950 nəfərin evindəki cihazla ölçürsünüzsə, onların hamısı musiqidən bixəbərdirlər. Ölkədə 950 nəfərlə Azərbaycan musiqisinə qiymət verilirsə, bu, biabırçılıqdır. Lap 1000 və ya 5000 nəfər olsun. Onlar bizə qulaq asmırlar, musiqidən xəbərsiz insanlardırlar". (axşam.az)

Milli.Az