Şou-biznes

Məşhur aktyorlar qohum olacaq - VİDEO - FOTO

3 Dekabr 2024 08:22

Baxış: 1 803

#VİDEO #AKTYOR

Eddi Murphinin oğlu Eric Murphy və Martin Laurensin qızı Jasmin Lawrence üç illik münasibətdən sonra nişanlandıqlarını elan ediblər.

Milli.Az xəbər verir ki, cütlük 30 noyabrda Instagram vasitəsilə Eric Murphynin romantik evlilik təklifini əks etdirən bir video paylaşıblar. Təklif parlayan ürək şəklində işıqlar qarşısında və Eric Benétin "Spend My Life With You" mahnısının müşayiəti ilə baş tutub.

Jasmin Lawrence videonun altında belə yazıb:

"Nişanlandıq!! Allah bizi taleyə bənzər bir sevgi ilə həqiqətən mübarək etdi. Bu yeni fəsil üçün daha çox həyəcanlı ola bilməzdik... Bu anı belə gözəl edən hər kəsə xüsusi təşəkkürlər!!"

Cütlük münasibətlərini ilk dəfə 2021-ci ilin iyun ayında elan etmişdi. Həmin vaxt Jasmin Ericin ad gününü təbrik etmək üçün Instagram-da paylaşım etmiş və yazmışdı:

"Ad günün mübarək, sevgilim! Səni tanıdığım, sevdiyim və yanımda olduğun üçün inanılmaz dərəcədə xoşbəxtəm. Daha çox xeyir-dualar, gülüşlər və gözəl xatirələr üçün! Səni çox sevirəm!!"

Daha sonra cütlük birlikdə ictimai tədbirlərdə görünməyə və sosial mediada sevgilərinə təriflər yağdıran paylaşımlar etməyə başladılar.

Lalə Qüdrətova
Milli.Az