Şou-biznes

“Siyavuş Kərimi gedərkən çox gözəl bir söz dedi...”

1 Dekabr 2024 11:40

Baxış: 7 041

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MARAQLI #MÜĞƏNNİ #XALQ ARTİSTİ #ŞOU #TV

Xalq artisti Aygün Bayramova Azərbaycan Milli Konservatoriyasının rektorluq vəzifəsindən azad edilən Xalq artisti Siyavuş Kərimidən söz açıb.

Milli.Az olay-a istinadən xəbər verir ki, bu haqda sənətçi qonaq olduğu "Zaurla Günaydın" verilişində danışıb.

Sözügedən ali təhsil ocağında dərs deyən A.Bayramova S.Kəriminin gedişi ilə bağlı bu fikirləri dilə gətirib:

"Siyavuş müəllimi efir vasitəsi ilə salamlayıram. O hamının əzizidir. Onu çox təntənəli şəkildə yola saldılar. Siyavuş müəllim orada çox gözəl bir söz dedi. O söylədi ki, mən yenədə sizinləyəm. Siyavuş müəllim yaradıcı insandır. Biz onu hər zaman görə biləcəyik. Yeni rektorumuz Kamilə xanımı da təbrik edirəm. Ona bu çətin və məsuliyyətli işində uğurlar arzu edirəm. Ulu öndər Heydər Əliyev Milli Konservatoriya yarananda Siyavuş müəllimə söylədi ki, get yarat".

Qeyd edək ki, ötən gün Prezident İlham Əliyevin imzaladığı Sərəncama əsasən Siyavuş Əşrəf oğlu Kərimi Azərbaycan Milli Konservatoriyasının rektoru vəzifəsindən azad edilib. Dövlət başçısının digər Sərəncamı ilə Kamilə Hüseyn qızı Dadaşzadə Azərbaycan Milli Konservatoriyasının rektoru təyin edilib.

Xatırladaq ki, Xalq artisti Siyavuş Kərimi 2001-ci ildən rektor idi.

Milli.Az