Şou-biznes

“Uşaqlar o yaşda cizgi filmlərə baxırlar, amma mənim oğlum...”

30 Oktyabr 2024 19:04

Baxış: 1 291

VTB-də minimal faiz dərəcəsi ilə nağd kredit 9.9%-dən

#ŞOU-BİZNES

"Artıq müğənnilikdən pul qazanmağa başlamışam. İnanıram ki, yaxın zamanda yetərincə bəlli bir büdcəli özümün şəxsi proqramım olacaq".

Bu sözləri aparıcı, aktyor və müğənni Şəhriyar Əbilov olay-amüsahibəsində deyib. Əbilov bir müddət əvvəl sosial şəbəkə hesabında atası ilə bağlı paylaşımından bəhs edib:

"Atam xoşlamır üzdə olmağa. Amma onun görüntülərini çəkib instaqram səhifəmdə paylaşanda xoşuna gəlmişdi. Ona mən "italyanets" (italyalı - red.) deyirəm. Atamın 75 yaşı var. O formadadır, özünə baxır, zövqlüdür. Atam bizim yanımızdadır. Mən atamın oğluyam. Çox xüsusiyyətləri də ondan götürmüşəm".

Əbilov valideyninin onu bu sənətdə dəstəklədiyini vurğulayıb:

"Həyatımda ilk dəfə atam klipimə baxıb dedi ki, əladır. Mən atamdan "əla" sözünü 45 yaşımda ilk dəfədir eşidirəm. O mənim heç bir işimə "super", "əla"dır deməyib. Amma artıq görürəm ki, mənim inadkar olaraq irrələdiyim bu yolda məni qəbul edib".

Müsahibənin sonunda Şəhriyar oğlu Osmandan da danışmağı unutmayıb:

"Oğlum Osmanın 6 yaşı var. Uşaqlar adətən bu yaşda cizgi filmlərinə baxırlar. Osman isə bu yaşda "Titanik" gəmisinin batması və ya hansısa təyyarə qəzası haqda sənədli filmlərə baxır. Sonra oturub danışır ki, ata filan təyyarənin motoru işləmirdi və sairə. Baxıram ki, mən oğlumun yaşında necə idim o necədir. Osmanın mükəmməl musiqi zövqü var. Hansı mahnını oxuyuramsa arxamca əzbərləyir. Hətta bəzən anasının (Şəhriyarın boşandığı aktrisa Oksana Rəsulova - red.) telefonu ilə mənə mesaj göndərib deyir ki, "Sən, mən bir də bu şəhər" (Şəhriyarın oxuduğu mahnının sözləri - red.)".

Milli.Az