Şou-biznes

Ancelina Coli və Haluk Bilginer bir arada - VİDEO - FOTO

30 Sentyabr 2024 11:24

Baxış: 1 308

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #VİDEO #FİLM

Baş rollarda Türkiyənin "Emmi" mükafatlı aktyoru Haluk Bilginer və dünyaşöhrətli aktrisa Ancelina Colinin rol aldığı "Mariya" filminin ilk treyleri yayımlanıb.

Milli.Az "qafqazinfo"ya istinadən xəbər verir ki, Bilginerlə Coli ilk dəfə filmin çəkilişlərində yan-yana görüntülənib.

Film yunanəsilli amerikalı opera müğənnisi Mariya Kallasın həyatından bəhs edir.

Ekran işində Ancelina Mariyanı, Haluk isə yunanıstanlı iş adamı, milyarder Aristotel Onassisi canlandırıb.

Noyabrın 27-də ABŞ kinoteatrlarında nümayiş etdiriləcək film dekabrın 11-də rəqəmsal platformalarda tamaşaçıların ixtiyarına buraxılacaq.

Qeyd edək ki, filmdə Mariyanın 1970-ci illərdə Parisdəki həyatından söz açılır. Aristotel Onassis öldürülən ABŞ Prezidenti Con Kennedinin həyat yoldaşı Jaklin Kennedi ilə evlənmək üçün (1968-1975-ci illər) Mariya Kallasdan ayrılır. Bu xəyanətdən sonra Kallas İtaliyaya, sonra isə Fransaya köçür.

Aristotel Onassis 1975-ci ilin martında 69 yaşında tənəffüs çatışmazlığından, Mariya Kallas isə 1977-ci ildə 52 yaşında ürəktutmadan vəfat edib.

Milli.Az

Xəbərlərimizi WhatsApp kanalımızdan da oxuyun