Şou-biznes

Demokratlar Teylor Sviftin konsertlərindən təbliğat üçün istifadə etmək istəyir

9 Fevral 2024 07:43

Baxış: 808

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #ABŞ

ABŞ-dakı Demokratlar Partiyasının nümayəndələri Floridada seçki kampaniyası üçün müğənni Teylor Sviftin konsertlərindən istifadə etməyə hazırlaşır.

Milli.Az qaynarinfo.az-a istinadən xəbər verir ki, bu barədə "Politico" qəzeti məlumat yayıb.

Jurnalistlər iddia edirlər ki, ifaçının Mayamidəki çıxışlarında demokratlar seçicilərin qeydiyyatını həyata keçirmək istəyirlər. Bundan əlavə, onlar müğənninin 2024-cü ilin aprelində işıq üzü görəcək yeni albomu üçün karaoke partisi və qrup dinləmələri təşkil etməyi planlaşdırırlar.

Üstəlik, Demokrat Partiyasının üzvləri Sviftdən demokratlar tərəfindən qaldırılan sosial problemləri (adətən, azlıqların hüquqlarının müdafiəsi, miqrantlar, abort və digər bu kimi təşəbbüslər-red.) müzakirə etmək üçün öz konsertlərindən istifadə etməyi xahiş etmək niyyətindədirlər.

"Politico"ya görə, demokratlar bu addımlarla hazırda respublikaçılara etibarlı şəkildə səs verən Floridada mövqelərini gücləndirməyə ümid edirlər.

2024-cü ildə ABŞ-da prezident seçkiləri olacaq. Donald Tramp və Nikki Heyli Respublikaçılar Partiyasının namizədliyi uğrunda mübarizə aparır. Mayk Pens, Douq Bergum, Tim Skott, Kis Kristi, Ron DeSantis və Vivek Ramasvami artıq seçki yarışından geri çəkiliblər. ABŞ-ın hazırkı prezidenti Co Bayden də Demokratlar Partiyasından yenidən seçilmək arzusunu ifadə edib.

Milli.Az
Xəbərlərimizi WhatsApp kanalımızdan da oxuyun