Şou-biznes

Tanınmış azərbaycanlı teleaparıcı ilk dəfə öz yaşından danışdı - FOTO

23 May 2012 09:30

26 Şərh Baxış: 45 021

VTB-də minimal faiz dərəcəsi ilə nağd kredit 9.9%-dən

Milli.Az-ın əməkdaşı təşkil olunan məclislərin birində Azərbaycanın tanınmış xanım teleaparıcı, uzun illər AzTV-də müxtəlif layihələrin aparıcı kimi tanınan Ceyran Rəhimovanı görüntüləməyə müvəffəq olub. Cazibədar teleaparıcı ilk dəfə çoxlarının marağına səbəb ola biləcək açıqlama, yaşının neçə olması ilə bağlı danışdı:

"Tanınmış insanların şəxsi həyatının daim gündəmdə olan mövzular sırasında olmasını yaxşı bilirəm. Sadəcə, mən heç vaxt yaşımı nə gizlədirəm, nə də rəqəmlərdə nəyisə azaldıram. Soruşan olmayıb ki, yaşımı söyləyim (gülür). 40 yaşım var. 40 yaşımda 17 illik təcrübə qazanmışam. Nədənsə bunu bilən insanlar qəribə baxışlarını mənə tuşlayırlar. Çox qəribədir, kim görürsə, maşallah, zamanın əqrəbləri xeyrinə işləyir sözlərini deyir. Hamıya hesabat vermək məcburiyyətində deyiləm axı, 23 yaşından bu günə kimi Dövlət Televiziyasında əmək fəaliyyətindəyəm.

Tam 17 ildir ki, efirdə aparıcılıq etmək nəsibim olub. Bəlkə də orta nəslin nümayəndələri elə zənn edirlər ki, illərdir efirdə olduğum üçün kifayət qədər yaşım var. Digər tərəfdən də bu qədər ömür yaşadığım üçün Allahıma təşəkkür edirəm. Güclüyəm, pozitivəm. Bir məqsədim olub həmişə. O da ki, müsbət enerjimi ekran vasitəsi ilə öz tamaşaçılarıma ötürməkdə davam etmək. Gələcəkdə olacaqları qabaqlamaq istəməzdim, ancaq maraqlı verilişlər hazırlayacağıma əmin ola bilərsiniz".

Şahin Cavadsoy
Milli.Az

Böyütmək üçün şəkillərə klikləyin.