Ölkə

Cinayət Məcəlləsinə yeni maddələr əlavə edildi - DTX araşdıracaq

8 May 2026 19:03

Baxış: 1 242

VTB-də minimal faiz dərəcəsi ilə nağd kredit 9.9%-dən

#DÖVLƏT TƏHLÜKƏSİZLİYİ XİDMƏTİ

Azərbaycan Prezidenti tərəfindən Cinayət Məcəlləsində və "Terrorçuluğa qarşı mübarizə haqqında" Qanununda dəyişiklik edilməsi barədə Qanun təsdiq edilib.

Milli.Az xəbər verir ki, dəyişikliklərə görə, Cinayət Məcəlləsinə yeni 214-4-cü maddə əlavə olunub.

Həmin maddə terror təşkilatı yaratmağa və ya ona rəhbərlik etməyə görə ayrıca cinayət məsuliyyəti müəyyən edir.

Bununla yanaşı, Cinayət Məcəlləsinin 282-ci (Təxribat) maddəsinin yeni redaksiyası müəyyən edilmişdir. Belə ki, artıq süni intellekt texnologiyalarından və xüsusi proqram təminatlarından istifadə etməklə əhalinin həyat təminatı və kritik informasiya infrastrukturu obyektlərinin, enerji və nəqliyyat infrastrukturunun, telekommunikasiya şəbəkələrinin normal fəaliyyətinin pozulmasına yönəlmiş əməllər də xüsusilə ağır cinayət olaraq təxribat cinayətləri hesab olunacaq.

Eləcə də, Azərbaycanın müdafiə qabiliyyətini, iqtisadi təhlükəsizliyini və elmi-texniki potensialını zəiflətmək məqsədilə müxtəlif üsullarla törədilmiş digər əməllər də təxribat hesab olunacaqdır.

Prezidentin 08.05.2026-cı il tarixli Fərmanı ilə sadalanan cinayətlərə görə ibtidai araşdırma aparmaq səlahiyyətinin Dövlət Təhlükəsizliyi Xidmətinə aid olduğu müəyyən edilib.

Milli.Az