Şou-biznes

Məşhur aktyorun cəsədi tapıldı - FOTO

27 May 2023 09:30
Baxış: 1 998
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bu ilin yanvarında yoxa çıxan və fevralda itkin düşmüş elan edilən məşhur Braziliya aktyoru Cefferson Maçadonun cəsədi tapılıb.

Braziliya seriallarının məşhur aktyorunun cəsədi Rio-de-Janeyroda bir evin tualetinin beton döşəməsinin altında basdırılmış taxta qutuda aşkarlanıb.

Polis və 44 yaşlı aktyorun ailə vəkili bildirib ki, aktyorun cəsədi qutunun içinə yerləşdirilib, boynuna metal məftil dolanıb və əlləri bağlı halda olub. Polis ehtimal edir ki, onu boğublar.

Milli.Az oxu.az-a istinadən xəbər verir ki, hələlik hadisə ilə bağlı həbs edilən olmasa da, polis aktyorun cəsədinin tapıldığı evin icarədarını dindirmək niyyətindədir.

Cefferson Maçado yanvar ayında Rio-de-Janeyrodakı evindən yoxa çıxıb. Məhkəmə-tibb ekspertləri onu barmaq izlərindən tanıyıblar. Amma qeyd ediblər ki, qutunu cəsədlə birlikdə basdıran şəxs qoxunun yayılmasının qarşısını almaq üçün onun üzərinə maye töküb və çuxuru betonla doldurub.

Evin xanımı polisə bildirib ki, evi bir kişiyə icarəyə verib. Polis onu dindirmək istəsə də, o yoxa çıxıb.

Məlumata görə, Maçadonun evi icarəyə götürən adamı tanıdığı deyilir, çünki onu Maçadonu ziyarət edərkən görüblər.

Yanvarın 27-də Maçado evindən yoxa çıxdığı gün qonşular aktyorun saxladığı səkkiz itin hürməsindən şikayətləniblər. Daha sonra isə aktyorun itdiyi məlum olub.

Maçadonun anası Maria das Dores oğlu ilə sonuncu dəfə yanvarın 29-da danışdığını deyib. Bildirib ki, oğlu iş müsahibəsi üçün San Pauloya gedib və bir dostunun evində qalacağını söyləyib.

Lakin onlar getdikcə daha çox narahat olmağa başlayıblar, çünki Maçado onlara zəng etməyi dayandırıb. Onun cib telefonundan göndərilən mətn mesajları isə səhvlərlə dolu olub ki, bu da onun üçün xarakterik deyil.

O, bir dəfə anasına mobil telefonunun suya düşdüyünü, buna görə də videozəng vasitəsilə danışa bilməyəcəyini deyib.

Ailəsinin narahatlığı fevral ayında daha da artıb, çünki Maçadonun bulud parolu dəyişdirilib və  mobil telefonun koordinatları deaktiv edilib.

Qeyd edək ki, Cefferson Maçado Braziliyada tanınmış serial aktyoru olub və uzun illər hətta model kimi də fəaliyyət göstərib.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.