Dünya

İsveçrədə matəm elan olundu

2 Yanvar 2026 00:33
Baxış: 1 348
VTB-də minimal faiz dərəcəsi ilə nağd kredit 9.9%-dən
#İSVEÇRƏ

İsveçrə polisi Yeni il gecəsi Krans-Montana kurortundakı barların birində baş verən yanğın nəticəsində təxminən 40 nəfərin həlak olduğunu, 115 nəfərin isə yaralandığını açıqlayıb. Yaralıların çoxunun vəziyyəti ağırdır.

Milli.Az xəbər verir ki, İsveçrənin yeni seçilmiş prezidenti Qay Parmelin hadisəni "ölkəmizin tanıdığı ən pis faciələrdən biri" adlandırıb:

"Bu rəqəmlərin arxasında simalar, adlar, ailələr və amansızcasına yarıda kəsilmiş talelər dayanır. İsveçrə hökuməti qurbanların yaxınlarına ən səmimi başsağlığını çatdırır."

Prezident milli yas rəmzi olaraq Federal Sarayda bayraqların 5 gün müddətinə endiriləcəyini elan edib.

Hadisə yerinə nəhəng xilasetmə qüvvəsi cəlb olunub:

  • 150 xilasedici, 42 təcili yardım maşını;
  • 13 helikopter və 3 xüsusi fəlakətə reaksiya maşını.

Yaralılar Sion, Cenevrə, Lozanna, Bern və Sürix kimi şəhərlərin xəstəxanalarına, həmçinin ixtisaslaşmış yanıq mərkəzlərinə yerləşdirilib. Fransa, Almaniya və İtaliya ağır yanıq xəsarətləri alan xəstələri qəbul etməyə hazır olduqlarını bildiriblər.

Valais Baş prokuroru Beatris Pillu (Beatrice Pilloud) yanğının baş vermə səbəblərini müəyyən etmək üçün cinayət işinin açıldığını bildirib. Sürixdən olan məhkəmə-tibbi ekspertlər araşdırmaya cəlb olunub. Hazırda əsas üstünlük qurbanların şəxsiyyətinin sürətlə müəyyən edilərək ailələrinə təhvil verilməsinə verilir.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.