Türkiyənin tanınmış aktrisası Funda Eryiğit iki ildir sevgili olduğu, baş rejissor Berkun Oya ilə evlilik hazırlıqlarından danışıb.
Milli.Az lent.az-a istinadən bildirir ki, yeddi aylıq hamilə olan aktrisa "Küheylan" teatr oyununun qala gecəsindən çıxarkən, görünüb.
Kameralara qarnı burnunda pozalar verən 38 yaşlı Funda evlilik haqqında suallara cavab verib:
"Çox yaxında evlənəcəyik. Evlilik hazırlıqlarına bir az ara vermişdik. Planlarımız bəzi hadisələrə görə pozulmuşdu. Ancaq hər şey qaydasındadı. Hamiləliyimin 28-ci həftəsindəyəm. Körpəmizin cinsiyyəti və adı bizə qalsın. İndidən açıqlamaq istəmirik".
Qeyd edək ki, Funda Eryiğit sevgilisi Berkun Oyanın rejissorluq etdiyi "Bir başkadır", "Cici" kimi seriallarda yer alıb.
Milli.Az