Şou-biznes

“Rayonluların əlindən Bakıda nəfəs almaq olmur“ deyən aktrisa özünə haqq qazandırdı - VİDEO

11 Avqust 2022 00:31
12 Şərh     Baxış: 3 694
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Əvvəla, sosial verilişi açıb izləsinlər. Görsünlər, mən orada nə demişəm. Rayondan gələn xanım öz ailəsini və iki qızını həyat yoldaşının üstünə atıb, üstəlik məktub da yazıb ki, "Mənim uşaqlarıma yaxşı baxın. Məni axtarmayın. İmkan verin, həyatımı rahat yaşayım". Bundan sonra Bakıya üz tutub. Həyat yoldaşı və qayınanası onu çox axtardıqdan sonra sosial verilişə üz tutublar. Burada efirdə də xanımın şəklini göstəriblər. Onun Xırdalan, Sulutəpə, Masazır ərazisində ucuz kafelərdən birində işə düzəldiyi üzə çıxıb".

Milli.Az BAKU.WS-ə istinadən xəbər verir ki, bu sözləri aktrisa Sonaxanım Əliyeva deyib. O, bir həftə əvvəl aparıcı Amil Xəlilin "Gəl danış" verilişində rayonlularla bağlı səsləndirdiyi fikirlərinə aydınlıq gətirib. Aktrisa bu sözləri söyləyərkən bütün rayondan olan sakinləri nəzərdə tutmadığını, Bakıya gələn bekar, işsiz-gücsüz gənclərdən danışdığını bildirib:

"Mən də deməyi özümə borc bildim. Nə oldu? Bunu hamı deyir. Bir tək mənim sözüm daş-qalaq oldu? Mən başımı o dərəcədə itirməmişəm, dediyim sözlərə də cavabdehəm. Mən bölgələrdə yaşayan cavanlara səsləndim. Onu da dedim ki, hamıya şamil etmirəm. Hamınız sosial verilişləri izləyirsiniz. Gənc ailələrdən kimisi həyat yoldaşını, kimisi ərini, üstəlik uşaqlarını da atır və birbaşa Bakıya üz tutur. Heç bir işi, peşəsi də yoxdur. Üstəlik burada heç bir qohum-əqrəbası da yaşamır. Deyir, elə "Salam-Əleykum, mən Bakıda qalmaq  istəyirəm". Mən onlara səsləndim".

Xatırladaq ki, aktrisa sosial verilişdə qonaq olarkən rayonlardan Bakıya axın edən gənclərin çoxaldığını, bu səbəbdən də artıq şəhərdə nəfəs ala bilmədiyini vurğulayıb. Sonaxanımın bu sözləri uzun müddət müzakirələrə səbəb olmuşdu.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.