Seriallar

"Arka Sıradakiler"in ulduzları illər sonra görüşdü - "Kim daha çox dəyişib?" - FOTO

28 Noyabr 2024 00:30

Baxış: 3 383

VTB-də minimal faiz dərəcəsi ilə nağd kredit 9.9%-dən

#MARAQLI #SERİALLAR #SOSİAL ŞƏBƏKƏLƏR #TÜRKİYƏ ŞOUBİZNESİ

2007-ci ildə yayımlanmağa başlayan və uzun müddət izləyicilərin sevgisini qazanan "Arka Sıradakiler" serialının aktyorları illər sonra yenidən görüşüb.

Milli.Az xəbər verir ki, görüş zamanı çəkilən şəkillər sosial mediada izləyicilər tərəfindən böyük maraqla qarşılanıb.

Serialın əsas obrazlarından olan Yadigar (Temmuz Karikutal), Oktay (Bülent Çetinaslan), Özge (Sevda Dalgıç), Rıza (Engin Yavaş) və Gamze (Sinem Öztürk) 12 ildən sonra keçirilən bu görüşün xatirələrini öz sosial media hesablarında paylaşıblar.

Sinem Öztürk paylaşdığı şəkli "Ən sevdiklərimlə" qeydi ilə təqdim edərkən Temmuz Karikutal "Görək, ən çox hansımız dəyişmişik?" sualı ilə diqqət çəkib.

Serialın "Özge"si Sevda Dalgıç illər ərzində həm xarici görünüşünü, həm də həyat tərzini dəyişdirib. Saç rəngini dəyişən aktrisa bir neçə estetik əməliyyat keçirib və 2022-ci ildə Dilge Emir Güvenç ilə ailə qurub. Hazırda Sevda Dalgıç ekranlardan uzaqdır və fitnes zalı işlədir.

"Arka Sıradakiler" serialı Hamdi Alkanın rejissorluğu ilə çəkilmiş və cəmiyyətin müxtəlif təbəqələrindən olan məktəblilərin həyatını, eləcə də onların problemlərini əks etdirmişdi. Səmimi hekayəsi və peşəkar aktyor heyəti ilə izləyicilərin yaddaşında dərin iz buraxan serial Oktay, Gamze, İbo və Saffet kimi obrazları ilə unudulmazlar sırasına daxil olmuşdu. Serial yayımlandığı dövrdə ən çox baxılan televiziya layihələrindən biri kimi tanınırdı.

İsmayıl
Milli.Az