Rusiya

Rusiyalı general sərsəmlədi - Ermənidən artıq erməni oldu

21 Sentyabr 2021 11:53
2 Şərh     Baxış: 6 676

Qatı ermənipərəst və qaragüruh mövqeyi ilə seçilən rusiyalı general Mixail Moiseyev növbəti dəfə sərsəm fikirlər səsləndirib. Ermənistanda faşist əlaltısı Qaregin Njdeyə abidə qoyulan zaman susan bu üzdəniraq hərbçi azərbaycanlıların ünvanına tənqid və təhqir səsləndirib. İddia edib ki, Qarabağda vaxtilə faşistlərə qarşı döyüşən sovet marşalı Sergey Xudyakovun (Armenak Artemoviç Xanferyants) abidəsi "vandalcasına dağıdılıb". Halbuki həmin abidə 44 günlük müharibə zamanı elə ermənilərin özləri tərəfindən də dağıdıla bilər. Ümumiyyətlə, hələ bu faktın özü də təsdiqini tapmayıb. General "ümid edirik ki, Azərbaycan rəhbərliyi və ictimai təşkilatları bu cür iyrənc və vəhşi təzahürlərə və hər bir vətəndaş, vətənpərvər üçün əziz olan ən müqəddəs şeyə əl qaldıranlara lazımi qiymət verəcək" deyib.

Maraqlıdır, bu üzdəniraq general niyə vaxtilə işğal altında olan Azərbaycan torpaqlarında dağıdılan abidələr, Böyük Vətən müharibəsində həlak olan azərbaycanlıların heykəlləri vandalcasına dağıdılanda susurdu? Çox güman ki, erməni ağalarından aldığı pulun təsirindən bunu etməyə cürəti çatmayıb. Qeyd etdiyimiz kimi, İrəvanın mərkəzində faşistlərə əməkdaşlığı tarixi faktlarla sübuta yetirilən Njdenin az qala 20 metrə çatan abidəsi ucaldılıb. Abidənin qoyulmasından isə 6 ilə yaxın vaxt keçir.

Düzdür, bir neçə il əvvəl Rusiyanın müxtəlif dairələrində Ermənistanda faşizmin qəhrəmanlaşdırılmasına qarşı çıxışlar oldu. Lakin 44 günlük müharibəyə qədər. Müharibədən sonra Rusiya rəsmiləri bu abidə barəsində bir kəlmə olsun belə danışmaq istəmirlər. İndi isə Rusiyanın qaragüruhçu bir hərbçisi faktları araşdırmadan, abidənin hansı şəraitdə dağıdılmasına toxunmadan belə bir cəfəng təhqir və tənqidlər səsləndirir.

Kamran Seyidov
Milli.Az

 

Şərh yaz:

2 Şərh:

  • Anonim
    Ali · 21 Sentyabr 12:0040

    Bu tip əceyib insan cildinə girmiş şovinist məxluqların cavabı məhz generallarımız səviyəsində verilməli və bir çox əsaslı sübutları onların təpələrinə çırpmalıdırlar.

    Cavab yaz
  • Anonim
    asi · 21 Sentyabr 12:1860

    Rusiya və rusiyadakı antiazərbaycan qüvvələr birdəfəlik başa düşməlidirlər ki, Azərbaycanda 41-45 müharibəsinin vətənpərvərlik eposu çoxdan bitib..Artıq bu müharibənin, abidələrinin Azərbaycanlılar üçün heç bir mənəvi və ya digər anlamı qalmayıb..Azərbaycanlıların özlərinə xas milli vətənpərvərlik, qəhrəmanlıq yolu var və o yol ilə irəliləyir..Artıq hansısa ivanın stalinqradda göstərdiyi igidlik bizlərə maraqlı deyil, otributları, nişanələri bizim həssaslığımız deyil..1920-1989-cu illər arasında babalarımızın sovet üçün etdiklərini danmırıq və unutmuruq, haram xoşunuz olsun, amma bizim millət öz tarixi, öz qəhrəmanları ilə millət olub, onları yaşatmalıdı, onların xatirəsini əziz tutmalıdı..Sizdən bizə gələn “xeyir” 20 Yanvar Şəhidlər Xiyabanında sıra ilə düzülmüş qara mərmərdən başqa bir şey olmayıb..Azərbaycanın marşalı, igidi, qəhrəmanı bax həmin xiyabandankıların başlatdığı mübarizənin qurbanlarıdı, bu ay bir ili tamam olacaq Qəhrəmanlardı..

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.