Rusiya

Dünyanın gözləmədiyi qərar - Rus ordusu "S-500"lərlə təchiz olunacaq

1 Mart 2019 16:54

0 Şərh Baxış: 2 867

VTB-də minimal faiz dərəcəsi ilə nağd kredit 9.9%-dən

#RUSİYA #HƏRBİ #RAKET

Rusiya Hərbi Kosmik-Müdafiə Akademiyasının rəisi, general-leytenant Vladimir Lyaporov bəyan edib ki, yaxın vaxtlarda Rusiya ordusuna "S-500" zenit-raket kompleksi veriləcək.

Milli.Az Sputnik Azərbaycan-a istinadən xəbər verir ki, bunu general-leytenant "Krasnaya zvezda" qəzetinə müsahibəsində bildirib.

Onun sözlərinə görə, 2019-cu ildə Qatçinadakı zenit-raket qoşunlarının hazırlığı mərkəzi "S-500"-ün idarə olunması proqramını öyrənən ilk zabitləri buraxacaq: "Hazırda ordu bu növ zenit-raket kompleksləri ilə təchiz olunmayıb. Lakin hərbçilər onları yaxın vaxtlarda gözləyirlər".

Bununla belə, Lyaporov "S-500"-ün orduya nə vaxt veriləcəyini konkret şəkildə açıqlamayıb.

Qeyd edək ki, yanvarın 11-də ABŞ-ın "The National Interest" nəşri Rusiyanın "S-500"-lər barədə "susması"nın səbəbindən yazıb. Bildirilib ki, Rusiya yeni "S-500" zenit-raket kompleksləri (ZRK) barədə məlumatları "S-400" zenit-raket komplekslərinin xarici ölkələrə satışı ilə bağlı mövcud razılaşamaların təhlükə altına atmamaq üçün açıqlamır.

Belə ki, potensial müştərilər "S-500" kompleksləri haqqında yeni məlumatların çıxması fonunda bahalı "S-400" komplekslərinə maraqlarını itirə bilər.

"Yeni məlumatların yayılması Türkiyə və Hindistan kimi strateji əhəmiyyətə malik ölkələrin hiddətinə səbəb ola bilər. Belə ki, bu ölkələr "S-400"-ün alınmasına görə ABŞ-la ciddi diplomatik problemlər yaşayıb. Vaşinqton məhz bu addımlarına görə onları dəfələrlə sanksiyalarla hədələyib" - deyə vurğulayan nəşr qeyd edib ki, məhz bu faktlara əsasən "S-500"-lərin xarici ölkələrə tədarükü planda yoxdur.

Milli.Az