Rusiya

Zaxarova: KTMT haqqında nələr eşitmədik...

8 Aprel 2026 18:56

Baxış: 1 039

VTB-də minimal faiz dərəcəsi ilə nağd kredit 9.9%-dən

#KTMT

Rusiya Xarici İşlər Nazirliyinin rəsmi nümayəndəsi Mariya Zaxarova Ermənistan parlamentinin sədri Alen Simonyanı emosional siyasətçi adlandırıb.

Milli.Az xəbər verir ki, Zaxarovanın bugünkü brifinqində erməni jurnalist Rusiya XİN rəsmisindən Simonyanın "Rusiya qazın qiymətini qaldırsa, Ermənistan KTMT və Avrasiya İqtisadi İttifaqından çıxacaq" bəyanatına münasibət bildirməsini istəyib.

Zaxarova ciddi şəkildə emosional siyasətçilərin bəyanatlarını şərh etmək istəmədiyini bildirib.

O, Simonyanın bu cür çoxlu birmənalı olmayan bəyanatlar verdiyini xatırladıb.

"Üstəlik, KTMT haqqında biz nələr eşitmədik ki! Ermənistanda deyirdilər ki, Ermənistan KTMT-dən yox, KTMT Ermənistandan çıxır. Bilmirəm, bu proses başa çatıb, yoxsa hələ qızğın dövrüdür? Ona görə də, bu məsələyə qayıtmağın mənası yoxdur. Niyə görə bu emosional bəyanatlara qiymət verməliyik?!", - Rusiya XİN sözçüsü vurğulayıb.

O qeyd edib ki, bu bəyanata Ermənistan vətəndaşları münasibət bildirməlidir. (APA)

Milli.Az