Rusiya

43 min insan təyyarədə qaldı - 20 saatlıq kabus

8 İyul 2025 14:13

Baxış: 1 841

VTB-də minimal faiz dərəcəsi ilə nağd kredit 9.9%-dən

#TÜRKİYƏ #RUSİYA #HAVA LİMANI

Rusiyanın hava məkanında artan təhlükəsizlik tədbirləri və pilotsuz uçuş aparatlarının (PUA) yaratdığı risklər fonunda Rusiya-Türkiyə arasında uçuş böhranı yaşanır.

Milli.Az xəbər verir ki, Türk Hava Yolları (THY) başda olmaqla bir sıra xarici hava yollarının uçuşları dayandırılıb, yüzlərlə reys təxirə salınıb, minlərlə sərnişin hava limanlarında çarəsiz gözləyib.

Böhran ilk olaraq Sankt-Peterburq hava limanında baş verib. Rus səlahiyyətliləri THY-yə məxsus təyyarənin bəzi texniki hissələrinin sökülərək yoxlanılmasını tələb ediblər. Bu, beynəlxalq aviasiya qaydalarına zidd olduğu üçün THY ekipajı bu tələbi rədd edib və sərnişinlərin təhlükəsizliyini nəzərə alaraq təyyarəni İstanbula geri qaytarmaq qərarına gəlib.

Aviasiya dairələri bu addımı təhlükəsizlik protokollarına uyğun və düzgün qiymətləndirib.

Yalnız THY deyil, digər xarici aviaşirkətlər də oxşar çətinliklərlə üzləşiblər. Rusiyaya enən bir sıra təyyarələrin sərnişinləri təyyarədən düşməyə icazə verilmədən saatlarla gözlədilib. Bəzi hallarda baqajlarda və kabinə avadanlıqlarında bomba hazırlığı üçün istifadə oluna biləcək hissələrin olub-olmadığı yoxlanılıb.

Rusiya Nəqliyyat Nazirliyi və federal hava nəqliyyatı orqanlarının yaydığı məlumata əsasən, 485 reys təxirə salınıb, 88 reys başqa hava limanlarına yönləndirilib, 1900-dən çox reys isə gecikib. Ümumilikdə 43 min bilet ləğv olunub, 94 minə yaxın sərnişin isə otellərdə yerləşdirilib.

Ekspertlər vəziyyəti mülki aviasiyada təhlükəsizlik və diplomatiya arasında yeni böhran mərhələsi kimi dəyərləndirirlər.

Fidan
Milli.Az