Rusiya

Priqojinin məzarını təhqir edən şəxs saxlanıldı

24 İyul 2024 09:34

Baxış: 1 535

VTB-də minimal faiz dərəcəsi ilə nağd kredit 9.9%-dən

#RUSİYA

Sankt-Peterburqda polis qəbri təhqir etməkdə şübhəli bilinən yerli sakini saxlayıb.

Milli.Az publika.az-a istinadən xəbər verir ki, müstəntiqlərin fikrincə, o, sərxoş halda Poroxovskoye qəbiristanlığında məzarlardan birinin üzərinə təhqiramiz ifadələr yazılmış plakatlar yapışdırıb. Bundan əvvəl Telegram kanallarında "Vaqner" PMC-nin keçmiş rəhbəri Yevgeni Priqojinin məzarında təhqiramiz ifadələrin olduğu plakatın görünməsi ilə bağlı mesajlar yayılıb.

"Fontanka" bildirir ki, həmin şəxsi qəbiristanlıq gözətçisi saxlayıb və polisə məlumat verib. Voronej vilayətindən olan 36 yaşlı vətəndaşın əvvəllər oğurluğa görə məhkum edildiyi bildirilir.

Daxili İşlər Nazirliyindən bildirilib ki, qəbiristanlıqdan daxil olan zəngdən sonra hadisə yerinə gələn əməliyyat qrupu sərxoş vətəndaşı saxlayıb. Onun barəsində dəfn yerlərini təhqir etmə maddəsi ilə cinayət işi açılıb. Qabaqlayıcı tədbirin seçilməsi məsələsi həll edilir.

Rəsmi olaraq Daxili İşlər Nazirliyi bunun Priqojinin məzarı olduğunu təsdiqləməyib.

Milli.Az
Xəbərlərimizi WhatsApp kanalımızdan da oxuyun