Rusiya

Rusiyada 4 azərbaycanlıya hökm oxundu

10 İyun 2024 10:58
Baxış: 1 238
VTB-də minimal faiz dərəcəsi ilə nağd kredit 9.9%-dən
#RUSİYA

Rusiyanın Krasnoyarsk diyar məhkəməsi 2023-cü ildə Şarıpovo şəhərində baş vermiş insidentlə bağlı 4 azərbaycanlı barəsində hökm çıxarıb.

"Qafqazinfo" "İnterfaks"a istinadən xəbər verir ki, sözügedən şəxslər bir kişini öldürməkdə, evli cütlüyü isə öldürməyə cəhddə təqsirli biliniblər. 

Onlardan biri 17, digərləri isə 4 il müddətinə azadlıqdan məhrum ediliblər. 

Adları açıqlanmayan azərbaycanlıların Rusiyada fiziki şəxslə müqavilə əsasında yol təmiri işlərində çalışdıqları qeyd olunub. 

Qeyd edək ki, 4 azərbaycanlı 2023-cü ilin avqustunda yerli sakinlə dava etdiklərinə və sonuncunun dünyasını dəyişməsinə görə saxlanılıblar. İstintaq məlumatına görə, 3 azərbaycanlı ilə yerli sakin arasında dava düşüb: "İçkili vəziyyətdə olan təqsirləndirilən şəxslər yaxınlıqdan keçən qadına sataşıblar. Evli cütlük və onların tanışları isə qadını müdafiə etmək istəyib. Azərbaycanlılar tanışlarına zəng ediblər və o, hadisə yerinə armatur və inşaat çəkici gətirib. Bunun ardnca, onların 4-ü həmin şəxslərə hücum edib və çox sayda zərbələr endiriblər. Təqsirləndirilən şəxslərdən biri üzərində olan bıçaqla 30 yaşlı kişiyə zərbə endirib. O, aldığı bıçaq zərbəsindən hadisə yerində ölüb. Yaralı cütlük isə müxtəlif xəsarətlərlə xəstəxanaya çatdırılıb".

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.