Rusiya

Rusiya Norveçlə sərhəd sazişini ləğv edir

6 İyul 2022 16:15

1 Şərh Baxış: 1 082

VTB-də minimal faiz dərəcəsi ilə nağd kredit 10.49%-dən

Rusiya Dövlət Dumasının sədri Vyaçeslav Volodin Norveçlə Rusiya Federasiyası arasında Barents dənizində sərhəd müqaviləsinə yenidən baxılması üçün Dövlət Dumasının Xarici Əlaqələr Komitəsinə müraciət edib.

Milli.Az axar.az-a istinadən xəbər verir ki, bu barədə Norveçin NRK nəşri məlumat yayıb.

Qeyd olunub ki, komitə Norveçlə müqavilənin ləğvi və ya dayandırılması ilə bağlı qərar verməlidir.

Eyni zamanda, kommunist deputat Mixail Matveyev Norveç hakimiyyətini Svalbard sakinlərinə məhsulların göndərilməsinə mane olmaqda ittiham edib.

Norveç Xarici İşlər Nazirliyinin nümayəndəsi Ane Haavardsdatter isə bildirib ki, sərhəd müqavilələrinin qeyri-müəyyən müddətə davam etməsi adi bir təcrübədir: "Ümid edirik ki, Rusiya buna hörmətlə yanaşacaq".

Qeyd edək ki, söhbət 2010-cu ildə iki bərabər hissəyə bölünmüş 1,75 milyon kvadrat kilometr ərazisi olan mübahisəli ərazidən gedir.

Milli.Az