Rusiya

Rusların olmadığı Ağdərədə “Rus mərkəzi” açıldı – Niyə?

12 May 2022 09:42
6 Şərh     Baxış: 2 972

Azərbaycanın Qarabağ iqtisadi zonasının rus sülhməramlılarının müvəqqəti məsuliyyət zonasında olan hissəsində, keçmiş Ağdərə rayonunda "Rus mərkəzi" açılıb.

Milli.Az axar.az-a istinadən xəbər verir ki, bu barədə rus sülhməramlılarının himayəsində hələ də fəaliyyət göstərməyə cəhd edən erməni separatçı tör-töküntüləri açıqlama yayıb.

Bildirilib ki, mərkəz "rus dili və mədəniyyətinin öyrədilməsi" ilə məşğul olacaq.

Mərkəzin guya mesenatlar sayəsində açıldığı, xeyriyyəçilərin tədris materialları və mebel verdiyi iddia edilib.

Qeyd edək ki, Rusiyanın Qarabağ iqtisadi rayonu ərazisində "Rus icması" yaratması, "Rus mərkəzi" açmasının heç bir ictimai-sosial məntiqi yoxdur, çünki Qarabağda ümumilikdə 27 min erməni yaşayır. Dünyanın ən böyük ərazisinə malik olan Rusiyanın əhalisinin hər il bir milyon azaldığını və hazırda 138 milyona düşdüyünü nəzərə alsaq, rusların Qarabağa köçürülməsi də mümkün deyil. Buna baxmayaraq, burda "icma" yaradılır. Şübhəsiz ki, bunun səbəbi yalnız siyasi məqsədlərdir.

O ki qaldı "rus icması və mərkəzi"nə, Azərbaycanda Rus İcması da var, Rus Mərkəzi də; rusdilli orta məktəblər ümumi məktəblərin 8 faizinə qədərini təşkil edir, ali məktəblərin rus dili bölmələri fəaliyyət göstərir - halbuki ruslar ümumi əhalinin 0,9 faizindən də azını təşkil edir; Rus Kitab Evi də Bakının mərkəzində təmtəraqlı yerdədir; Rus İcmasının rəhbəri isə millət vəkilidir və s.

Ermənistanda bir ədəd də rusdilli məktəb yoxdur. Rusiya mədəniyyətinin və dilinin tədrisindən Ermənistanda "narahat" olmalıdır, Azərbaycanın müvəqqəti nəzarət etdiyi ərazilərində yox.

Milli.Az

40 000 AZN-dək krediti ONLAYN sifariş et!

Şərh yaz:

6 Şərh:

  • Anonim
    asi · 12 May 09:5140

    Guya niyəsini bilmirsiniz??..Guya hec rusiya siyasətini izləmirsiniz??..Guya bilmirsiniz ki, rusiyanın işğalməramlı siyasətinin əsas bəhanəsi “ rusdillililəri qorumaq”-dır??..Qarabağda qorunası rus olmadığından nəyisə bəhanə etməlidir ya yox?? “Erməniləri qoruyuruq” deməmək üçün “ rusca danışanları qoruyuruq” məqsədi daşıyıq..Qazağıstanda aranı qatanda “ rusca danışan əhali” teması ekranlarından düşmürdü..

    Cavab yaz
  • Anonim
    Süleyman · 12 May 10:0320

    "Azərbaycanın müvəqqəti nəzarət etdiyi ərazilərində yox".- fikrinizi düzgün ifadə edin. Yəqin "rusiya sülhməramlılarının" demək istəyirdiniz. Və ya Azərbaycanın müvəqqəti nəzarət etmədiyi.

    Cavab yaz
  • Anonim
    Əski Ağdərə KƏNDlisi · 12 May 10:1710

    ZƏFƏRdən il də keçib, arası kəsilməyən belə xəbər və məqalələrin məğzi-məramı bilinmir? Güman ki, RUS MƏRKƏZİni yaradanlar (daşnaqdır) naşistdir? Bəs, dövlət nə zaman onlardan Azərbaycan pasportu üçün ərizə alacaq və ya naməlum vətəndaşları kənar-icazəsiz persona elan edəcək? Ukrayna artıq qayda qoyub, ərazisini tanımayan orada mülk sahibi və vətəndaşı ola bilməz! Bəs, A...?

    Cavab yaz
  • Anonim
    MMM · 12 May 15:1830

    Boş boş şeylərdir. Əsas olan odur biz torpaqlarımızı geri qaytarmışıq. Rusiya Prezidentidə Rusiya Dövlətidə bu əraziləri Azərbaycan ərazisi kimi tanıyır və qəbul edir. Başqa sözə ehtiyac yoxdur... ALLAH ŞƏHİDLƏRİMİZƏ RƏHMƏT ELƏSİN.

    Cavab yaz
    • Anonim
      ШАШЛОВА ИЯ · 12 May 21:0200

      Tamamiylə doğrudur !

      Cavab yaz
  • Anonim
    ШАШЛОВА ИЯ · 12 May 21:0000

    Qeyd etmək istərdim ki, bu məlumat rəsmi deyil. Yaradılıbsa belə bu normal xaldır və bu gədər aqressiya ilə sizin yanaşmağınız dövlətimizin siyəsəti deyil! Son zamanlar feyk və aqressiv xəbərlərin ölkəmizdə paylaşması da insanlarda səhf fikir formalaşmasının səbəbi olur. Qaldı ki, Rusiya Federasiyanın əxalisi azalıb və ya artması sizə nə adiyyəti var ? Bu nə yanaşmadır ?

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics