Din

İslam dinində “cin çıxartmaq” anlayışı varmı? - CAVAB

12 Noyabr 2018 20:08
1 Şərh     Baxış: 4 758
VTB-də minimal faiz dərəcəsi ilə nağd kredit 9.9%-dən
#DİN #CİN ÇIXARMA

Xəbər verdiymiz kimi, Bak sakini, psixi xəstəlikdən əziyyət çəkən Soltanov Murad Şahin oğlunu "cin çıxartma" müalicə üsulu ilə sağalmaq adı ilə bədəninin müxtəlif nayihələrinə çubuqla vuraraq öldürüblər. Aldığı xəsarətlərdən ölən M. Soltanovun meyiti Şabran rayonunun "5 sotlar" yaşayış massivindəki kirayədə yaşadığı evdə tapılıb.

Hadisəni törətməkdə şübhəli bilinən 6 nəfər saxlanılaraq, barələrində müvafiq maddələrlə cinayət işi açılıb.

Milli.Az bildirir ki, Məşədi Dadaş məscidinin imamı, tanınmış ilahiyyatçı Hacı Şahin Həsənli "Cin çıxartma" məsələsinə münasibət bildirib. Din xadimi Azvision.az-a açıqlamasında deyib ki, İslamdinində "cin çıxartma" müalicə üsulu haqqında hansısa bir məlumat yoxdur. 

"Bu deyilənlərin dinlə hər hansısa bir əlaqəsi yoxudr. İnsanlar xəstələndikləri zaman həkimə mürcaiət etməlidirlər və onların vasitəsi ilə müalicə olunmalıdırlar. Təbii ki, bu zaman müəyyən duaları etmək mümkündür. Bu, normaldır. Dua ona görə edilir ki, məqsədinə çatasan, sağalsan və s. Amma cindarlıqla məşğul olmaq, kiminsə içindən cin çıxartmaq, bunlar xurafatdır. Bir mənalı olaraq insanlar bilməlidirlər ki, dinimizdə cin çıxartma ilə bağlı heç nə yazılmayıb. Ümumiyyətlə, bunların dinə aidiyyatı yoxdur. Bu kimi əməllərdən imtina etmək lazımdır. Belə insanlar başqalarının inancından istifadə edib, qanunusuz işlərlə məşğul olurlar. Cahil, savadsız adamlar isə xəbərsizlikdən bu cür insanların təsirinə düşürlər", - deyə Hacı Şahin Həsənli vurğulayıb. 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.