Bölgə xəbərləri

Şəkidə fizika, riyaziyyat və humanitar təmayullü lisey yeni tədris ilinə hazırlaşır - VİDEO

30 Avqust 2012 13:33
Baxış: 7 161
Milli.Az Kanal S-ə istinadən xəbər verir ki, Şəkidə fəaliyyət göstərən fizika, riyaziyyat və humanitar təmayullü lisey 2012-2013-cü tədris ilinə hazırlaşır. Liseyin fəaliyyətə başlamasının 20 illiyi ilə əlaqədar burada əsaslı təmir işləri aparılır. Təmir işlərinə cari ilin
may ayında başlanılıb. İlkin olaraq tikinti-təmir və təchizat işlərinə 450 min manat vəsait ayrılıb.

Bundan başqa, yeni idman zalının tikilməsi, həyətdəki idman meydançasının yenilənməsi nəzərdə tutulur. Yeni tədris ilinə kimi 450 şagirdlik 5-mərtəbəli korpusun 3 mərtəbəsinin təmir-bərpası başa çatdırılacaq və liseyin şagirdləri yeni və müasir standartlara cavab verən sinif otaqlarında təhsil almaq imkanına malik olacaqlar.

Təmirlə yanaşı, liseyə yeni şagirdlərin qəbulu prosesi də aparılır. Qəbul fənn müəllimlərinin iştirakı ilə müsabiqə yolu ilə həyata keçirilir. Texniki, humanitar və təbiət təmayülləri üzrə tədrisin aparıldığı liseyə qəbulun müsabiqə yolu ilə aparılmasında məqsəd isə şagirdlərin gələcək sinif və təmayüllərinin müəyyənləşdirilməsidir. Təmirlə əlaqədar sonuncu müsabiqə bütün fənlər üzrə olmaqla sentyabr ayınında keçiriləcək.

Cari ilin yanvar ayından liseyə qəbul olunacaq yeni şagirdər üçün ödənişsiz hazırlıq kursları təşkil olunub. Artıq şagird adını qazanacaq 50-dən çox uşaq hazırlıq mərhələsini başa vurub. Bu müddət ərzində uşaqlar oxumaq, yazmaq, saymaq, şeir əzbərləmək və bu kimi bacarıqlara yiyələniblər.

Lisey fəaliyyət göstərdiyi 20 il ərzində bir çox uğurlara imza atıb. Bu il ali məktəblərə imtahan verən 36 məzundan 24-ü müvəffəqiyyət qazanıb və Azərbaycan, eləcə də Türkiyə, Rusiya və Gürcüstanın ali məktəblərinə qəbul olunublar. İmtahanlarda lisey məzunlarından 2 nəfər 600-dən, 5 nəfər isə 500-dən çox bal toplayıblar. Bacarıqlı və təcrübəli müəllim kollektivinin çalışdığı liseydə dərslər yüksək səviyyədə tədris olunur. Liseyin iki müəllimi tərəqqi medalına layiq görülüb, bir müəllim isə əməkdar müəllim adını qazanıb.

Milli.Az

Videonu izləmək üçün aşağıdakı şəklə klikləyin.



13,99%-dən 40 000 AZN-dək zaminsiz, komissiyasız KREDİT

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics