Siyasət

Fransa ərazilərin minalardan təmizlənməsində Azərbaycana kömək etməlidir - Senator - FOTO

9 İyun 2021 12:01
Baxış: 380

Fransa erməni işğalından azad edilmiş Azərbaycan ərazilərinin minalardan təmizlənməsində kömək etməlidir.

Milli.Az Trend-ə istinadən bildirir ki, bunu fransalı senator, Nizami Gəncəvi Beynəlxalq Mərkəzinin üzvü Natali Qule öz "Twitter" səhifəsində yazıb.

Onun sözlərinə görə, ərazilərin minalardan təmizlənməsində Azərbaycana dünya ictimaiyyəti, o cümlədən Fransa kömək göstərməlidir.

Xatırladaq ki, iyunun 4-də Azərbaycan Televiziyasının operatoru, 1989-cu il təvəllüdlü Sirac Abışov və Azərtac İnformasiya Agentliyinin əməkdaşı, 1982-ci il təvəllüdlü Məhərrəm İbrahimov Kəlbəcər rayonunda xidməti vəzifələrini yerinə yetirərkən minaya düşərək həlak olublar.

Həmin şəxslər işğaldan azad olunmuş ərazilərdə Ermənistan silahlı qüvvələri tərəfindən dağıdılmış yaşayış məntəqələrinin çəkilişini həyata keçirirdi.

Milli.Az 

Məqaləyə dair fotomateriallar:

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.