Bu ölkələrin keçmiş nazirləri Ermənistana qarşı komissiyaya qoşuldular

"44 günlük Vətən müharibəsi dövründə ermənilər hərbi cinayət, insanlığa qarşı cinayət törətdilər".

Bunu Milli.Az-a açıqlmasında Türkiyənin Azərbaycandakı sabiq səfiri Hulusi Kılıç deyib.

Sabiq səfir bildirib ki, bu komissiya vasistəsi ilə Azərbaycanın haqq və hüququnu tələb edəcəyik:

"Ermənilər II Qarabağ müharibəsi vaxtı Gəncəyə iki dəfə, Bərdəyə iki dəfə ballistik raketlər atdılar, Mingəçevirə atdıqlarında şans üzlərinə baxdı, partlamadı. Ermənilər bu adıçəkilən şəhərlərdə Azərbaycanın dinc əhalisinə hücum etdilər. Bu, müharibə cinayətidir, insanlığa qarşı cinayətdir. Yüzdən çox bacı, qardaşımız şəhid oldu. Körpələr gecəyarısı yatağında yatarkən bombalanaraq qətlə yetirildi. Eyni zamanda 30 illik işğal dövründə dini, mədəni, tarixi abidələr yox edildi. Bütün bunların araşdırılması lazımdır. Ermənistanın hərbi cinayətlərini araşdıracaq beynəlxalq komissiya bu məqsədlə yaradıldı. 

Komissiyada 30-dan çox ölkədən nümayəndələr var. Mən çox xoşbəxtəm ki, bununla mənim üçün yenidən Azərbaycana xidmət qapısı açıldı. Bu komissiyada bir azərbaycanlı diplomat kimi fəaliyyət göstərəcəyəm. Çünki biz Azərbaycanın haqq və hüququnu, insan haqqlarını tələb edirik. Cinayət varsa, cəza da vardır. Cinayət törədiblər, onun da cəzasının müəyyənləşməsi lazımdır. Qarşıdakı günlərdə iş qrafikimiz bəlli olacaq. Komissiya yeni qurulub, amma artıq 116 üzvü var. Üzvlər arasında dünyanın müxtəlif ölkələrindən sabiq nazirlər, diplomatlar yer alıb. Məsələn, Tunisin, Qananın keçmiş baş nazirləri, TBMM-nin sədrinin keçmiş müavini Güldal Mumcu xanım da komissiyanın üzvüdürlər. Komissiyanın tərkibində keçmiş nazirlərlə yanaşı, akademiklər, rektorlar, prezidentlərin sözçüləri var. Azərbaycandan da bu komissiyada təqaüdə çıxan hakim Adil dostumuz, politoloq Elxan Şahinoğlu, Asif Məmmədov, mən varam, professor Toğrul ismayıl var".

Təhməz Əsədov
Milli.A