Siyasət

Əli Əsədov Ankarada Türk Dünyası Metroloji Forumunda iştirak edib - FOTO

19 Fevral 2021 14:29

Baxış: 576

Fevralın 19-da Ankarada Türk Dünyası Metroloji Forumu keçirilib.

Milli.Az Trend-ə istinadən bildirir ki, Azərbaycan Respublikasının Baş naziri Əli Əsədov və Türkiyə Respublikasının Vitse-prezidenti Fuat Oktay Forumda iştirak ediblər.

Türkiyənin Metrologiya Baş İdarəsinin yaradılmasının 84-cü ildönümünə həsr olunan Forumda türkdilli ölkələrin metrologiya qurumlarının beynəlxalq platformalarda birgə fəaliyyətinin genişləndirilməsi məsələləri müzakirə olunub.

Tədbirdə əvvəlcə Azərbaycanın ekologiya və təbii sərvətlər naziri Muxtar Babayevin, Türkiyənin kənd təsərrüfatı və meşəçilik naziri Bəkir Pakdəmir, Qazaxıstanın, Qırğızıstanın, Özbəkistanın, Türkmənistanın, Şimali Kipr Türk Respublikasının müvafiq qurumlarının rəsmilərinın çıxışları dinlənilib.

Sonra Azərbaycan Respublikasının Baş naziri Əli Əsədov çıxış edib.

Forumda Türkiyə Respublikasının Prezidenti Rəcəb Tayyib Ərdoğanın müraciəti oxunub.

Daha sonra Türkiyə Respublikasının Vitse-prezidenti Fuat Oktay çıxış edib.

Forumun yekununda Türk Dünyasında Metroloji Birliyinin yaradılması barədə qərar qəbul olunub.

Milli.Az