Siyasət

XİN: İran öz ərazisindən silah daşınmasına icazə vermir

29 Sentyabr 2020 13:14
Baxış: 3 690

İran silah nəqli üçün ölkə ərazisindən istifadə edilməsinə icazə vermir.

Milli.Az Trend-ə istinadən bildirir ki, bunu İran Xarici İşlər Nazirliyinin mətbuat katibi Səid Xətibzadə deyib.

S.Xətibzadənin sözlərinə görə, İran ölkələrə məhsul tranzitinə dəqiq şəkildə nəzarət edir.

Xətibzadə əlavə edib ki, bəzi sosial şəbəkələrdə hərbi texnikanın İran ərazisindən Ermənistana daşınması ilə əlaqədar iddialar irəli sürülür: "Halbuki İran və qonşu ölkələr arasında qeyri-hərbi məhsullar yük maşınları vasitəsi ilə tranzit edilir".

İran XİN rəsmisi bildirib ki, sosial şəbəkələrdə yayılan video-kadrlardakı yük maşınları da qeyri-hərbi məhsulların tranziti ilə məşğuldurlar.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.