Siyasət

Hikmət Hacıyev: "Azərbaycan xalqı Ali Baş Komandanın ətrafında sıx birlərşib və bu, Ermənistanı qorxuya salır"

27 Sentyabr 2020 14:15
Baxış: 1 102

Cənab Prezident Azərbaycan xalqına müraciət etdi və Ermənistanın təxribatının və təcavüz aktının məqsədləri barədə məlumat verdi.

Milli.Az Trend-ə istinadən bildirir ki, bunu Azərbaycan Respublikası Prezidentinin köməkçisi, Prezident Administrasiyasının xarici siyasət məsələləri şöbəsinin müdiri Hikmət Hacıyev deyib.

Onun sözlərinə görə, dövlət başçısı vurğuladı ki, bu təxribatının mahiyyətində faşizm xisləti dayanır ki, Azərbaycan torpaqları 30 ildən artıqdır ki, işğal altındadır: "Ermənilər bu gün səhər saatlarından başlayaraq mülki insanları atəşə tutaraq faşist xislətlərini bir daha göstərdilər. Bu təxribatın qarşısının alınması üçün əks hücum tədbirləri həyata keçirilir, düşmənin atəşinin qarşısı uğurla alınır və düşmən yerinə otuzdurulur. Hadisələrlə bağlı ölkə ictimaiyyətinə ətraflı məlumat veriləcək. Azərbaycan ordusu bu təxribatın qarşısını almaq üçün və torpaqlarımızı azad etmək üçün öz rəşadətli missiyasını həyata keçirir. Bu gün bütün Azərbaycan xalqı Ali Baş Komandanın ətrafında sıx birləşib və bu, Ermənistanı qorxuya salır".

Millli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.