Siyasət

Konstitusiya Məhkəməsi seçki protokolları ilə bağlı məlumat yaydı

27 Fevral 2020 18:07

Baxış: 7 933

#SEÇKİLƏR

Azərbaycan Respublikası Konstitusiya Məhkəməsi fevralın 9-da Milli Məclisə keçirilən seçkilərlə bağlı protokolların baxılmasına münasibət bildirib.

Milli.Az xəbər verir ki, Konstitusiya Məhkəməsindən Trend-ə verilən məlumata görə, Azərbaycan Respublikası Milli Məclisinə keçirilmiş növbədənkənar seçkilərinə dair Mərkəzi Seçki Komissiyasının və dairə seçki komissiyalarının protokolları fevralın 26-da Azərbaycan Respublikası Konstitusiya Məhkəməsinə daxil olub.

Konstitusiya Məhkəməsinin Plenumu müvafiq prosedurları həyata keçirməklə qanunvericiliyin tələblərinə uyğun olaraq xüsusi konstitusiya icraatında seçkilərin nəticələrinə dair qərar qəbul edəcək.

İşin Plenumun hansı tarixə təyin edilməsi barəsində kütləvi informasiya vasitələrinə əlavə olaraq rəsmi məlumat veriləcək.

Milli.Az