Siyasət

Azərbaycanda Milli Dirçəliş Günü qeyd olunur

17 Noyabr 2019 00:02
12 Şərh     Baxış: 1 373

Noyabrın 17-də Azərbaycanda Milli Dirçəliş Günü qeyd olunur.

Milli.Az Trend-ə istinadən bildirir ki, 1988-ci ilin ilk günlərində Ermənistanın Azərbaycana qarşı açıq təcavüzü başlandı. Moskvanın, xüsusən də SSRİ-nin rəhbəri Mixail Qorbaçovun buna biganə münasibətini görən ermənilər planlı şəkildə, Ermənistan hökumətinin tapşırığı və göstərişi ilə Ermənistanda yaşayan 200 mindən çox azərbaycanlını öz ata-baba yurdlarından kütləvi surətdə qovdular. Ermənilər azərbaycanlıları təkcə öz ev-eşiklərindən qovmur, həm də onları öldürür, diri-diri yandırırdılar. Ermənilərin tarixdə görünməmiş bu vandalizminə M.Qorbaçov və onun ətrafı heç bir reaksiya vermədi. Ermənilər bununla da kifayətlənmədilər. 1988-ci il fevralın əvvəllərində Azərbaycanın Dağlıq Qarabağ bölgəsində iğtişaşlar törətdilər. Onlar Azərbaycanın tarixi torpağı olan Dağlıq Qarabağın Azərbaycandan qoparılıb Ermənistana birləşdirilməsi haqqında məsələ qaldırdılar.

Belə bir vaxtda Azərbaycan xalqı ayağa qalxdı. Xalq öz etirazını sakit şəkildə rəhbərliyə bildirdi. İlk zamanlar Azərbaycan vətəndaşları Moskvaya, yerli hakimiyyət başçılarına inanırdılar. Onların şüarları, gəzdirdikləri portret və bayraqlar bunu sübut edirdi.

Ancaq xalq anladı ki, həm Moskva, həm də Azərbaycanın o vaxtkı rəhbərliyi heç bir qəti tədbir görmək istəmir. Belə olduqda, respublikanın hər yerindən insanlar axın-axın Bakıya gəlir, Azadlıq meydanına (o vaxt V.İ.Leninin adını daşıyırdı) toplaşır, ermənilərin və Sovet hökumətinin belə münasibətinə qarşı mitinqlər keçirir, öz etirazlarını bildirirdilər.

1988-ci il noyabrın 17-də Bakının əsas meydanı sayılan Azadlıq meydanında Sovet dövlətinin xalqımıza qarşı apardığı antiazərbaycan siyasətinə etiraz əlaməti olaraq Azərbaycan ictimaiyyətinin mitinqi başlandı. O vaxt bütün xalq bir yumruq kimi birləşmişdi. Bu, əsl xalq hərəkatı, milli azadlıq hərəkatı idi. Dekabrın əvvəllərində Sovet qoşunları tərəfindən ümumxalq mitinqi dağıdıldı.

Azərbaycanda bu hadisələr milli azadlıq hərəkatı kimi qiymətləndirilir və Vətənimizin istiqlaliyyət qazanmasında əsas amil sayılır.

1992-ci ildən 17 noyabr Milli Dirçəliş Günü kimi qeyd olunur.

Milli.Az

Şərh yaz:

12 Şərh:

  • Anonim
    Nənənin xatirəsinə! · 17 Noyabr 01:1460

    Bu qəbristan,bu ölülər şəhəri, Həm ziyarət,həm ibadət yerimdir. O həm mənim dərdim,sərim,kədərim, Həm təsəllim,həm də heyrət yerimdir. Bu şəhərə gəlirəm bax beləcə, Əzizlərim xatirimə düşəndə... Mənim yerim hələ dünya üzündə, Dirilərin şəhəridir,bilirəm, Dirilərdən inciyəndə,küsəndə, Ölülərin hüzuruna gəlirəm. Ovunuram,kiriyirəm balaca, Təmizləşib,saflaşıram eləbil. Bir yüngüllük hiss edirəm içimdə. Bu şəhərdə qəribə bir sehr var, Hər dəfə də dogma,əziz ölülər, Mənə necə qəm-kədərlə baxırıar. Bu şəhərdə Atamın daş məzarı, Nənəm, Əmim bir köçüblər bu yerə. Bura gəlir çox dogmalar,əzizlər, Baxmaq üçün bu kədərli sərgiyə... ...Bu daşlaşmış məzar mənim Nənəmdir, Altımış il ömr elədi,yaşadı. Mən gəlmişəm, yəqin ona əyandır, Bir vaxt mənə ,,Atam" deyib,yaşadı. Bir də daim o,Allaha inandı, Ömür boyu namaz qıldı sərasər. Vətən dedi o hər axşam,hər səhər, Vətən deyib o göz yumdu axırda. İnam ilə o,yaşadı həyatda, Əqidəydi o da Allah donunda. (ardı)...

    Cavab yaz
  • Anonim
    Nənənin xatirəsinə · 17 Noyabr 02:1760

    ...(ardı).... Sürüdülər nəslimizi bir zaman, Düşmən deyib yolladılar sürgünə. Amma yenə sarsılmadı inamı, İnamından əl çəkmədi o yenə. Çoxlarının birə düşdü kürkünə, O baxmadı işgalçıya, düşmənə. Ö özünü düşünmədi bir zərrə, Amma qorxdu balasına söz gələr. Balasının ləkə düşər adına.. Bərk-bərk örtdü qapıları o daha, Gizli-gizli agı dedi Vətənə... Bircə məni buraxardı yanına, Bircə mənim toxunmazdı xətrimə. O agılar axdı mənim canıma, Keçdi mənim iliyimə,qanıma... Bu şəhərə gəlirəm bax beləcə, Əzizlərim xatirimə düşəndə...

    Cavab yaz
    • Anonim
      Papatya · 17 Noyabr 16:4310

      İnsana en mukaddes saadet, yüce dilek, Sevgiler yanında, doğduğu yerde ölmek.. Yâd el, ancak gam çiler bir aşıkın içine, Dört çevre gülşen olsa, istemem ben özge yer, Bir taşını değişmem Mısır’a, Hind’e, Çin’e, Tanrı cenneti verse, ben derim ki onu ver!.. Bir Cehennem olsa da bana, özyurdum, gerek, Atılırım koynuna, sevinerek, gülerek!

      Cavab yaz
    • Anonim
      Papatya · 17 Noyabr 16:4610

      Orda bir kaya olsam, yaslansa yâr gölgeme, Onsuz burda şöhreti, şairliği ne edem ben, Annem beni doğarken kurban demiş ülkeme, Koyver beni, güzel kız, öz ilime gidem ben!.. Lânet şairliğime, şiirime, hevesime, Nerdesin, ey nazlı yurt, ses ver, benim sesime!....(.A.İldirimdan) Neneye Allahdan rəhmət.

      Cavab yaz
      • Anonim
        ! · 17 Noyabr 18:2810

        Axşamın xeyir,köçənləriniz rəhmət. Şerə görə təşəkkür

        Cavab yaz
  • Anonim
    asi · 17 Noyabr 09:4151

    Azərbaycanın azadlıq hərəkatının qurbanlarına rəhmət diləyirəm.. Bu günün təqvimdə bayramımz kimi qeyd olunması onların adınadı, başqa heç kimin..Azərbaycanın ssridən ayrılması Azərbaycana və azərbaycanlılara çox ağır qarşılıqlar ödətdirdi..20 Yanvardan sonra torpaqların da işğal olunması müstəqilliyin bədəli oldu..Amma buna rəğmən indinin özündə də hələ ssri arzulayan axmaqlar tapılır..Millətin Qurtuluş günü mübarək..Arzu edirəm ki, düşmənlərimizdən, milliliyimizi, mənəviyyatımızı, tariximizi, kimliyimizi öldürən hər kəsdən, hər şeydən canları qurtulsun)..

    Cavab yaz
    • Anonim
      Deyirəm, · 17 Noyabr 11:0044

      qıza,seveyrəmdaa sənin belə patriotik şərhlərini.Bəzən "at balaxanım"sayağı gedib səviyyəli, elitni xanımlara ilişməyini isə heç bəyənmirəm.

      Cavab yaz
      • Anonim
        asi · 17 Noyabr 11:3534

        ))).. O " elitni, səviyyəli" xanımlar özləri gəlib mənə ilişir))..Yoxsaki onlarla nə işim?? Mənim daimi yazdığım sayılı insanlar var, onlar da bilinir).." elit xanımlar" o siyahıda yoxdu...

        Cavab yaz
    • Anonim
      Ulya · 17 Noyabr 13:1000

      Amin!!!

      Cavab yaz
  • Anonim
    ƏSİ. · 17 Noyabr 11:5050

    Milli Dirçəliş günümüz mübarək.Milləti ruhlandıran,onlara sovet hökümətinə qarşı etiraz səslərini ucaltmaq üçün cəsarət verən əsil azərbaycan oğullarını unutmayaq deyirəm.Müstəqilliyimiz üçün canından keçənləri də həmçinin.Milli ruhumuzun yenidən dirçəldiyi günləri görmək ümidilə...

    Cavab yaz
    • Anonim
      Ulya · 17 Noyabr 13:1000

      Yaxındadır o günlər... Amin!

      Cavab yaz
  • Anonim
    F.S.D. · 17 Noyabr 17:3070

    Milli Dirçəliş günümüz mübarək, 1992-cı illə müqayisədə çox təəssüf ki milli ruh, vətənpərvərlik hisləri gedikcə azalır və qarşını almağa gecirik.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.