Siyasət

Nümayəndəlik: Aİ Azərbaycanda islahatlar proqramını dəstəkləməkdə davam edir

31 Oktyabr 2019 18:04
Baxış: 275

Avropa İttifaqının (Aİ) Azərbaycandakı nümayəndəliyi KİV-lərdə yayılmış "Aİ səfiri Bakıda küçə iğtişaşları ssenarisi hazırlayır" məlumatını qəti şəkildə təkzib edir.

Milli.Az Trend-ə istinadən bildirir ki, bu barədə Aİ nümayəndəliyinin bəyanatında deyilir.

Bəyanatda qeyd olunur ki, Azərbaycan Aİ-nin vacib tərəfdaşı, "Şərq tərəfdaşlığı" proqramının iştirakçısı, eləcə də enerji sahəsində ittifaqın strateji tərəfdaşıdır:

"Biz tərəfdaşlığımızı irəlilətmək və əməkdaşlığımızı genişləndirmək üçün yeni hərtərəfli saziş vasitəsilə bütün sahələrdə, eləcə də insan hüquqları sahəsində birgə işləyirik".

Bildirilib ki, Aİ Azərbaycanda islahatlar proqramını dəstəkləməkdə davam edir:

"Aİ Azərbaycanın əsas ticarət tərəfdaşı və həm neft, həm də qeyri-neft sektorunda əsas investordur. Biz Azərbaycan iqtisadiyyatnın şaxələndirilməsi proqramını dəstəkləyirik. Aİ nümayəndə heyəti beynəlxalq hüquq normalarına uyğun olaraq Azərbaycan cəmiyyətinin bütün təbəqələri ilə əlaqə saxlayır. Bu o deməkdir ki, biz dinləyirik, amma heç bir tərəf tutmuruq. Bütün dünyada diplomatik xidmətlərin etdiyi kimi, biz həm hökumət nümayəndələri ilə, həm müxalifətlə, həm də vətəndaş cəmiyyəti və digər qruplarla görüşürük".

Milli.Az

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.