Azərbaycan Müdafiə Nazirliyi Anjey Kasprşikin cavabını verdi

Azərbaycanın Müdafiə NazirliyiATƏT-in fəaliyyətdə olan sədrinin şəxsi nümayəndəsi Anjey Kasprşik Azərbaycan və Ermənistan qoşunlarının təmas xəttində atəşkəsin hər il orta hesabla 30 dəfə pozulması barədə bəyanatına münasibət bildirib. Nazirliyin mətbuat xidmətinin rəisi Eldar Sabiroğlunun sözlərinə görə, Anjey Kasprşik ciddi dəqiqləşdirmələr aparmalıdır. Çünki onun səsləndirdiyi rəqəs inandırıcı görünmür.

Eldar Sabiroğlunun fikrincə, ATƏT sədrinin şəxsi nümayəndəsinin dediklərindən belə çıxır ki, cəbhə xəttində gərginlik, həyacan doğuracaq bir vəziyyət yoxdur, sakitlik hökm sürür: "Bizdəki konkret faktlar isə ondan ibarətdir ki, bu rəqəm 20-30 dəfə azaldılıb. Atəşkəsin pozulması halı 600-700-dəfədən çox olur. Demək olar ki, hər gün cəbhənin müxtəlif istiqamətlərində atəşkəs rejimi pozulur və bunun nəticəsində əlbəttə ki hər iki tərəfdən insanlar həyatlarını itirir".

Ötən il Anjey Kasprşikin özünün iştirak etdiyi iki monitorinqdə Ermənistan silahlı qüvvələri tərəfindən açılan atəş nəticəsində monitorinqin yarımçıq qaldığını xatırladan Eldar Sabiroğlu, monitorinqlərin birində ATƏT sədrinin şəxsi nümayəndəsinin Azərbaycan tərəfində iştirak etdiyini bildirib: "Alınan qeydlər onu göstərir ki, atəşkəs rejimi Ermənistan silahlı qüvvələri tərəfindən pozulur. Azərbaycan Silahlı Qüvvələri isə atəşkəs rejimini maksimum dərəcədə qorumağa çalışır. Amma şübhəsiz ki, qarşı tərəfdən atəş açılarkən, ona cavab verilməlidir". O, Anjey Kasprşikə dəqiqləşdirilmiş məlumatları yaymamağı da məsləhət görüb.

Xatırladaq ki, ATƏT-in fəaliyyətdə olan sədrinin şəxsi nümayəndəsi Anjey Kasprşik ATƏT-in jurnalına müsahibəsində Ermənistan və Azərbaycan qoşunlarının təmas xəttində atəşkəs rejiminin ildə orta hesabla 30 dəfə pozulduğunu deyib. Onun sözlərinə görə, 2009-cu ildə atəşkəs nəticəsində tələfatın sayı azalıb və 19 nəfər təşkil edib. ATƏT sədrinin nümayəndəsi hesab edir ki, bunun səbəbi danışıqlar prosesinin fəallaşmasıdır.

/ANS TV/