Siyasət

Azərbaycanda yeni sənaye parkları, məhəllələri yaradılacaq

27 Dekabr 2014 00:27

Baxış: 1 042

#AZERBAİJAN #SİYASƏT

Azərbaycan Prezidenti İlham Əliyev tərəfindən təsdiqlənən "Azərbaycanda sənayenin inkişafına dair 2015-2020-ci illər üçün Dövlət Proqramı"na əsasən ölkədə yeni sənaye parkları yaradılacaq.

Trend-in məlumatına görə, 2015-2017-ci illərdə Sumqayıt Kimya Sənaye Parkında infrastruktur işlərinin yekunlaşdırılması, parkın fəaliyyətinin təkmilləşdirilməsi işi aparılacaq.

Həmin illərdə, həmçinin Balaxanı Sənaye Parkında infrastruktur işlərinin yekunlaşdırılması, parkın fəaliyyətinin təkmilləşdirilməsi nəzərdə tutulur.

Yaxın 2 il ərzində Yüksək Texnologiyalar Parkının infrastrukturunun formalaşdırılması və fəaliyyətinin təşkili planlaşdırılır.

Dövlət Proqramına əsasən 2015-2018-ci illərdə Gəncədə sənaye parkının yaradılması, infrastrukturunun formalaşdırılması və fəaliyyətinin təşkili nəzərdə tutulur.

Həmçinin bu illərdə Mingəçevirdə sənaye parkının yaradılması, infrastrukturunun formalaşdırılması və fəaliyyətinin təşkili gözlənilir.

2015-2020-ci illərdə sənaye klasterlərinin yaradılmasına dair təkliflər hazırlanması və müvafiq tədbirlərin həyata keçirilməsi planlaşdırılır.

Proqramda sənaye məhəllələrinin yaradılması ilə bağlı müvafiq tədbirlərin həyata keçirilməsi də qeyd olunub.

Milli.Az