Siyasət

Apple-dan Azərbaycana qarşı - SAYMAZLIQ

17 Noyabr 2014 12:36
0 Şərh     Baxış: 2 275
#AZERBAİJAN #SİYASƏT #DAĞLIQ QARABAĞ #APPLE INC #TEXNOLOGİYA #İPHONE #GPS
Apple şirkətinin "iPhone" telefonlarında Naxçıvan Muxtar Respublikasının Ermənistanla sərhəd bölgələrində Azərbaycan əraziləri Ermənistan ərazisi kimi təqdim edilir.

Trend-in məlumatına görə, Naxçıvan Muxtar Respublikasının sərhəd bölgələrində sosial şəbəkələrdə məlumatların paylaşılması zamanı, eləcə də GPS koordinatları axtarılan zaman yerin adı Azərbaycan deyil, Ermənistan ərazisi kimi göstərilir. Mövcud sistem istifadəçinin düzəlişini qəbul etmədiyindən şəbəkə istifadəçisi olan şəxs telefonunda həmin səhvi də qətiyyən düzəldə bilmir. Sosial şəbəkəyə kompüter vasitəsilə daxil olduqda isə "iPhone"-un yalnız bəzi yer adları ilə bağlı yaratdığı səhvləri aradan qaldırmaq mümkün olur. Məlumat şəbəkəyə telefon vasitəsilə yerləşdirildiyindən kompüter bütün məlumatların düzəlişini qəbul etmir.

Qeyd edək ki, bu gün mobil telefon şirkətləri vahid xəritədən istifadə etmirlər. "iPhone" telefonlarında da Naxçıvan Muxtar Respublikasının Ermənistanla sərhəd bölgələrində Azərbaycan ərazilərinin Ermənistan ərazisi kimi təqdim edilməsinin əsas səbəbi həmin şirkətin istifadə etdiyi xəritə ilə bağlıdır. Hər bir şirkət fərqli mənbələrə istinad etdiyindən fərqli xəritələrdən istifadə edirlər ki, nəticədə də belə vəziyyət yaranmış olur.

Apple şirkətinin MDB ölkələri üzrə nümayəndəliyinin rəhbəri Denis Yurçenko Trend-in məsələ ilə bağlı sorğusunu cavablandıra bilməcəyini söyləyib.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.