Siyasət

Putin Xəzərin statusu haqqında konvensiyanın növbəti sammitdə qəbul olunacağına ümid edir

29 Sentyabr 2014 17:56

Baxış: 533

#SİYASƏT #RUSSİA

Rusiya Prezidenti Vladimir Putin Qazaxıstanda keçiriləcək Xəzəryanı ölkələrin dövlət başçılarının növbəti sammitində Xəzərin hüquqi statusu haqqında konvensiyanın qəbul olunacağına ümid etdiyini bildirib.

Trend-in İTAR-TASS-a istinadən verdiyi məlumata görə, V.Putin Həştərxanda IV Xəzər sammitində deyib ki, qarşıda Xəzərin hüquqi rejimi haqqında konvensiyanın hazırlanmasını başa çatdırmaq məsələsi var: "Əminəm ki, biz hələ razılaşdırılmamış müddəalar üzrə razılığa gəlmək və növbəti sammitdə konvensiyanı qəbul etmək əzmindəyik".

Onun sözlərinə görə, liderlərin məhdud tərkibdə görüşündə siyasi bəyanat üzrə razılıq əldə olunub: "Bəyanatda Xəzərdə beştərəfli əməkdaşlığın əsas prinsipləri əks olunub. Bu razılaşmalar beş ölkənin uzunmüddətli maraqlarına cavab verir".

Milli.Az