Siyasət

İsa Qəmbərin müşaviri: "Sadəcə, indi AXCP funksionerləri saxta profillərin arxasından çıxıblar"

14 Yanvar 2014 17:35
Baxış: 453
"Bu gün AXCP-nin Müsavat Partiyasına qarşı apardığı təbliğat qərəzdən irəli gələn mövqedir".

Bu barədə Trend-ə Müsavat Partiyası başqanının müşaviri Mustafa Hacıbəyli deyib.

M.Hacıbəyli qeyd edib ki, Müsavat Partiyasından əvvəl Milli Şuradan çıxan Rüstəm İbrahimbəyov olub: "Rüstəm ibrahimbəyov Milli Şuradan çıxanda ona hücum etməyənlər Müsavat Partiyasına qarşı hücum etməyə bəhanə axtarırdılar və ona görə də indi hücum edirlər".

O əlavə edib ki, əslində Müsavat Partiyasına qarşı hücumlar heç dayandırılmamışdı: "Milli Şurada bizimlə müttəfiq olanda belə, onlar saxta sosial şəbəkələrdəki profillərlə Müsavat Partiyasına qarşı bu təbliğatı aparırdılar. İndi, sadəcə, onların o saxta profillərin arxasından aşkara çıxmaları faktı baş verib".

Qeyd edək ki, Müsavat Partiyası Milli Şuradan istefa verdikdən sonra Müsavat Partiyası ilə AXCP funksionerləri arasında qarşılıqlı ittihamlar açıq müstəviyə keçib. Hətta Müsavatın Milli Şuradan istefa etməsi səbəbindən AXCP Müsavat Partiyası ilə müttəfiqlik etməkdən imtina edib.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.