Siyasət

Vaqif Mustafayevə "Serbiyanın bayrağı" verildi

17 Sentyabr 2013 12:18
Baxış: 1 449
Serbiya Respublikasının Prezidenti Tomislav Nikoliçin Fərmanı ilə "Space" Teleradio Şirkətinin rəhbəri Vaqif Mustafayev üçüncü dərəcəli "Serbiyanın Bayrağı" ordeni ilə təltif edilmişdir.

Milli.Az bildirir ki, Serbiya Respublikasının Prezidenti Tomislav Nikoliçin 2013-cü il 2 sentyabr tarixli Fərmanı ilə "Space" Teleradio Şirkətinin rəhbəri, xalq artisti, əməkdar incəsənət xadimi, Azərbaycan Respublikasının Dövlət Mükafatı laureatı Vaqif Mustafayev Serbiya ilə Azərbaycan arasında mədəniyyət sahəsində əməkdaşlığın və dostluq münasibətlərin inkişafına verdiyi töhfələrə görə üçüncü dərəcəli "Serbiyanın Bayrağı" ordeni ilə təltif edilmişdir. Bu barədə Serbiya Respublikasının Azərbaycandakı səfirliyindən məlumat vermişlər. Məlumatda, həmçinin bildirilir ki, Vaqif Mustafayev bu il Serbiyada "Dünya kino incəsənətinə töhfə" mükafatına və Serbiya Respublikasının İncəsənət Akademiyasının fəxri professoru adına layiq görülmüşdür.

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.