PUL
.jpg)
"Naxçıvan 3 dövlətlə sərhəddədir və baş verənlər Naxçıvana da təsirsiz ötüşmür. Bu baxımdan bu gün burda Naxçıvanın statusu və digər məsələləri yox, Naxçıvanın müdafiəsi, gələcəkdə baş verəcək hadisələrdə hansı addımların atılmasını müzakirə etməliyik".
Milli.Az xəbər verir ki, bunu Milli Məclisin bu gün keçirilən plenar iclasında deputat Siyavuş Novruzov deyib. O bildirib ki, Naxçıvanın statusu ilə bağlı qərar Azərbaycan əhalisinin verəcəyi rəydən asılı olacaq:
"Ona görə də hər dəfə bu məsələni ortaya atmağa ehtiyac yoxdur. Bu gün dövlət başçısı Naxçıvanla bağlı qərarlar verir, orada səlahiyyətli nümayəndəlikdə də dəyişiklik baş verib. Bir çox layihələr artıq reallaşmağa başlayıb, bundan sui-istifadə edənlər var. Bu gün anti-milli qüvvələr və xaricdə oturan vətən xainləri süni intellektdən istifadə etməklə ayrı-ayrı şəxslərin adından istifadə edir. Bu gün bizim mübarizəmiz onlara qarşı olmalıdır. Əhaliyə düzgün olan informasiyaları izah etməliyik, mütəmadi görüşməliyik"./Unikal.az
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
