Siyasət

Trampın Ərdoğandan acizanə xahişi var

8 May 2025 09:51

Baxış: 2 070

#SİYASƏT #AMERİKA #TÜRKİYƏ #ABŞ #RUSİYA-UKRAYNA MÜHARİBƏSİ

ABŞ Prezidenti Donald Tramp Rusiya-Ukrayna müharibəsinin bitməsi üçün Rəcəb Tayyib Ərdoğandan yardım istəyib.

Milli.Az xəbər verir ki, Türkiyə Rusiya ilə Ukrayna arasındakı müharibəni bitirmək üçün yenidən vasitəçilik edə bilər.

"Türkiye" qəzetinin məlumatına görə savaş başlayanda əsir mübadiləsini təşkil edən, Moskva ilə Kiyevi İstanbula gətirib masaya otuzduran və Taxıl Dəhlizi Anlaşmasına imza atdıran Ankara indi bir daha təşəbbüs göstərməyə hazırlaşır.

AK Partiya millət vəkilləri ilə görüşən Xarici İşlər naziri Hakan Fidan da Ərdoğan-Tramp əlaqəsindən danışıb. Fidan deyib ki, bölgədəki ölkələr tez-tez Türkiyəyə müraciət edərək, "Trampın sözünü dinləyəcək tək müsəlman lider sizsiniz, fikirlərinizi ona çatdırın" deyirlər.

Məlum olub ki, ABŞ Prezidenti Tramp da şəxsən Ərdoğandan dəstək istəyib. Tramp bazar ertəsi telefonla danışdığı Ərdoğana Rusiya-Ukrayna savaşını bitirməklə bağlı gözləntilərini çatdırıb və birlikdə işləməyi təklif edib.

Türkiyə Qara dənizdə savaş riskini tam aradan qaldırmaq və bölgədə sabitlik yaratmaq üçün ABŞ-a dəstəyə hazır olduğunu bildirib.

Yaxın günlərdə Türkiyənin Rusiyanın elan etdiyi 8-11 may atəşkəsinin daimi olması üçün təşəbbüs göstərəcəyi gözlənilir.

İslam
Milli.Az