Siyasət

Paşinyan Azərbaycana barter təklif edir

21 Aprel 2025 22:48
Baxış: 2 392
#ERMƏNİSTAN

2023-cü ildə keçirilən antiterror əməliyyatından sonra Azərbaycan dövlət suverenliyini tam bərpa edib. Lakin 30 ildən çox davam edən Ermənistan işğalının izləri tarixi torpaqlarımızda hələ də qalmaqdadır.

Milli.Az xəbər verir ki, politoloq Asif Nərimanlının sözlərinə görə, Qazaxın 3, Naxçıvanın isə 1 kəndi işğaldan azad olunacağı günü gözləyir.

"Söhbət Sədərək rayonunun Kərki, Qazax rayonunun Sofulu, Barxudarlı və Yuxarı Əskipara kəndlərindən gedir. Kəndlərin geri qaytarılması bir neçə ssenari ilə mümkündür. İşğal altında olan kəndlər Ermənistan ərazilərinin əhatəsində olduğundan onlara birbaşa gediş-gəliş mümkün deyil. Bunun üçün rəsmi İrəvan Azərbaycan tərəfi üçün kəndlərə rahat kommunikasiyanı təmin etmək məqsədilə dəhliz yaratmalıdır. Ermənistan rəhbərliyi bu versiyanın tərəfdarı deyil. Onlar bunu dəhlizin təhlükəsizliyinin qorunmasında yaranacaq çətinliklərlə əlaqələndirirlər. Əvəzində Nikol Paşinyan rəsmi Bakıya barter təklif edir. "Təklif belədir ki, Başkənd bizdə, Kərki, Sofulu, Barxudarlı və Yuxarı Əskipara isə ermənilərdə qalır. Bunun həm də iki səbəbi var. Birincisi, Başkənd Ermənistana qaytarılarsa, erməni əhali burada yaşamaq istəmir. İkinci səbəbi isə digər dörd kəndin strateji önəmidir. Kərki və Qazaxın 3 kəndi Azərbaycana qaytarılacağı təqdirdə Ermənistanın Şimal-Cənub və Ermənistan-Gürcüstan magistral yolu ordumuzun nəzarətinə düşə bilər".

Asya
Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.