Siyasət

Yunanıstanda qırıcı təyyarələr bu ölkələrlə birgə havaya qalxdı: Nə baş verir?

8 Aprel 2025 16:23

Baxış: 1 296

#YUNANISTAN

Yunanıstan yenidən dünyanın diqqətindədir. Belə ki, 14 müxtəlif ölkədən olan qırıcı təyyarələr Yunanıstanın qərbində yerləşən Andravida hava bazasında keçirilən "Iniochos 2025" adlı böyük hava təlimində iştirak edir.

Milli.Az xəbər verir ki, bu təlimə Fransa, İtaliya, Monteneqro, Polşa, Slovenya, İspaniya, ABŞ, İsrail, Qətər və bir sıra digər dövlətlərdən gələn pilotlar qatılıb.

Təlim hücum və müdafiə əməliyyatları, strateji hava missiyaları, döyüş axtarışı, xilasetmə əməliyyatları və hava-raket müdafiəsi kimi müxtəlif döyüş ssenarilərini əhatə edir.

Təlimdə həmçinin "F-16" taktik simulyatorlarından istifadə edilir. Aprelin 11-nə qədər davam edəcək bu təlimin əsas məqsədi iştirakçıların əməliyyat bacarıqlarını artırmaq və ölkələr arasında qarşılıqlı əlaqəliliyi gücləndirməkdir.

Asya
Milli.Az