Siyasət

Marin Le Pen həbs oluna bilər

14 Noyabr 2024 08:57
Baxış: 891
#FRANSA

Paris prokurorluğu "Milli Birlik" siyasi partiyasının lideri Marin Le Penin 5 il müddətinə azadlıqdan məhrum edilməsini, həmçinin analoji müddətə səsvermə hüququnun itirilməsini tələb edib.

Milli.Az qafqazinfo-ya istinadən xəbər verir ki, bu barədə BFMTV kanalı məlumat yayıb.

Prokurorlar iddia ediblər ki, Le Pen və onun tərəfdaşları Avropa Parlamentində saxta deputat köməkçiləri işə götürüblər.

2027-ci ildə Fransa prezidentliyinə namizədliyini irəli sürmək niyyətində olduğunu bildirən Le Peni həmçinin 300 min avro (təxminən 547 min 650 manat) cərimə gözləyir.

"Le Monde" qəzetinin yazdığına görə, Le Pen haqqında hökm gələn ilin əvvəlində çıxarıla bilər.

Qeyd edək ki, məhkəmə işi Marin Le Pen və onun 24 partiya üzvünə qarşı aparılır. Onlar 2004-2016-cı illər arasında Avropa parlamentinin vəsaitlərindən sui-istifadə ittihamı ilə mühakimə olunurlar.

Milli.Az
Xəbərlərimizi WhatsApp kanalımızdan da oxuyun

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.