Siyasət

Xaricdə Yaşayan Azərbaycanlı Alimlərin Forumunun iştirakçıları İlham Əliyevə təşəkkür ediblər

2 Oktyabr 2024 16:01

Baxış: 878

9-11 sentyabr tarixində Bakıda keçirilmiş Xaricdə Yaşayan Azərbaycanlı Alimlərin Forumunun iştirakçılarından Azərbaycan Respublikasının Prezidenti İlham Əliyevə təşəkkür məktubları ünvanlanıb.

Milli.Az Trend-ə istinadən xəbər verir ki, məktublarda Forumun təşkil olunmasına, eyni zamanda elm və təhsilin inkişafına göstərilən diqqət və qayğıya görə Prezident İlham Əliyevə minnətdarlıq bildirilib.

Forum dünyanın müxtəlif ölkələrində fəaliyyət göstərən azərbaycanlı alimlərin bir araya gələrək, ölkəmizin elmi, iqtisadi və mədəni inkişafına öz töhfələrini verəcəyi mühüm platforma kimi qiymətləndirilib. Azərbaycanın daha da güclənəcəyinə və dövlətin dəstəyi ilə elm sahəsində yeni uğurlara imza atılacağına inan ifadə edilib.

Forum iştirakçılarının Xankəndi və Şuşaya səfərlərinin mühüm tarixi, elmi, ictimai-siyasi hadisə kimi yaddaşlara həkk olunduğu qeyd edilib. Həmin səfərlər zamanı böyük sevinc və fəxarət hisslərinin yaşandığı vurğulanıb.

Məktublarla aşağıdakı linklərdən tanış olmaq mümkündür:

Milli.Az