Siyasət

Kılıcdaroğludan dindarlara hörmətsizlik - Türkiyədə QALMAQAL - FOTO

1 Aprel 2023 20:29

Baxış: 2 340

#TÜRKİYƏ

Türkiyədə mayın 14-də keçiriləcək prezident seçkilərinə namizəd qismində qatılan Cumhuriyyət Xalq Partiyasının (CHP) sədri Kamal Kılıcdaroğlu ilə bağlı böyük qalmaqal yaşanır.

Milli.Az bildirir ki, İstanbulda bir iftar proqramından sonra çəkilən fotoda Kılıcdaroğlu ayaqqabılıdır, özü də səccadənin üzərində durub. Onun yanında isə CHP-nin İstanbul şöbəsinin sədri Canan Kaftançıoğlu və partiyanın digər mənsubları var.

Foto sosial şəbəkədə yayılandan sonra CHP sədri böyük qınaqla və tənqidlə üzləşib.

CHP olayla bağlı açıqlama yayıb: "Çəkiliş zamanı insanlar çoxdu və sədrlə foto çəkdirmək istəyənlərin təlaşı səbəbindən yerdəki səccadəni görmədik"

Kılıcdaroğlu da Twitter akkauntunda üzrxahlıq edib: "Səccadəni görmədiyim üçün çox üzgünəm. Dünyada kimsəni incitmək istəməm. Hələ millətimi - əsla".

Fəqət, CHP sədrinin üzrxahlığı qeyri-səmimi bəyanat kimi qəbul edilib.

Milli.Az