Siyasət

"Fransa tarixi koloniyalarına qarşı aqressiv davranış nümayiş etdirir"

15 Mart 2023 16:52

Baxış: 752

#FRANSA

İndi biz Fransa prezidenti Emmanuel Makronun rəhbərliyi altında tarixi koloniyalara və vətəndaşlarına qarşı aqressiv davranış nümayiş etdirildiyini müşahidə edirik.

Milli.Az Trend-ə istinadən xəbər verir ki, bu barədə "Azərbaycan Jurnalistlər Şəbəkəsi" ictimai birliyinin rəhbəri Ayaz Mirzəyev "İslamofobiya irqçiliyin və ayrı-seçkiliyin spesifik forması kimi: Yeni qlobal və transmilli çağırışlar" mövzusunda beynəlxalq konfrans çərçivəsində keçirilən "Korsika məsələsi və təməl insan hüquqlarının pozulması" panel iclasında çıxışı zamanı deyib.

O qeyd edib ki, Korsika adasında Korsika dilinin qadağan edilməsi Fransanın təcavüzünün başqa bir bariz göstəricisidir.

"Qərar təkcə korsikalılar arasında deyil, həm də beynəlxalq hüquqa hörmət edən Avropa ictimaiyyəti arasında haqlı etirazlara səbəb olub. Birləşmiş Millətlər Təşkilatı (BMT) öz fikrini bildirdi, bu qərar çox güman ki, Fransada narazılığa səbəb olacaq və Makronun Fransasının aqressiv və müstəmləkəçi kimi daxili simasını ifşa edəcək", - deyə o əlavə edib.

Milli.Az