Siyasət

Vuçiç hansı halda istefa verə biləcəyini açıqladı

24 Yanvar 2023 09:00
Baxış: 429

Serbiya Prezidenti Aleksandar Vuçiç ölkəni xilas edə biləcəyi təqdirdə istefa vermə ehtimalını istisna etmədiyini deyib.

Milli.Az "qafqazinfo"-ya istinadən xəbər verir ki, Serbiya Prezidenti bu haqda xalqa müraciətində danışıb:

"Hər halda bu mənim son mandatımdır, vəzifəmin nə olduğunu bilirəm. Əgər hansısa yolla dövləti xilas etmək və qalib gəlmək zərurəti yaranarsa, mən tərəddüd etmərəm".

İstefa verməyə hazır olub-olmadığı sualına cavab verən Serbiya rəhbəri vurğulayıb ki, o, ölkəsi üçün yaşayır və onun əsgəridir, buna görə də "müəyyən anda ictimai maraqlara uyğun olanı" edəcək.

Aleksandr Vuçiç çıxışında onu da bildirib ki, Qərbin Serbiyaya böyük təzyiqinin səbəbi Ukraynadakı münaqişədir. Onun sözlərinə görə, bunun əsas səbəbi Rusiyaya qarşı sanksiyalar tətbiq etməkdən imtina etdiyinə görə və qismən tanınan Kosovonun Baş naziri Albin Kurti rejiminin yaratdığı daimi insidentlər səbəbindən ölkənin "tam göz önündə olması"dır.

Milli.Az

 

Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics