Siyasət

Aİ-nin yeni missiyası ancaq bölgədə vəziyyəti gərginləşdirməyə xidmət edə bilər

23 Yanvar 2023 17:07
Baxış: 411

Avropa İttifaqı (Aİ) Şurası bu gün Ümumi Təhlükəsizlik və Müdafiə Siyasəti (CSDP) çərçivəsində Ermənistanda Aİ-nin mülki missiyasının (EUMA) yaradılmasına razılıq verib.

Milli.Az Trend-ə istinadən xəbər verir ki, bunu Fransanın Cənubi Qafqaza soxulmaq üçün növbəti cəhdi də hesab etmək olar.

Xatırladaq ki, oktyabrın 6-da Praqada Azərbaycan, Fransa, Avropa İttifaqı Şurası və Ermənistan liderlərinin görüşü zamanı Ermənistan ərazisinə, Azərbaycanla sərhədyanı bölgələrə Avropa müşahidəçi missiyasının göndərilməsi qərarı qəbul edilmişdi. Bu missiya qısamüddətli olmalı idi.

Lakin bu dəfə Praqa görüşünün nəticələrinə zidd olaraq Avropa İttifaqı yeni qərar qəbul etdi. İndiki missiyanın müddətinin 2 il olacağı vurğulanır. Təbii ki, burada məqsəd missiyanı daimi etməkdir.

Hələ ötən həftə brifinqdə Rusiya xarici işlər naziri Sergey Lavrov Avropa İttifaqının Ermənistan-Azərbaycan sərhədindəki missiyası Bakının razılığı olmadan göndərilərsə, səmərəli olmayacağını, hətta əks təsir göstərə biləcəyini də vurğulamışdı.

Bu missiya ilə bağlı məsələlər Azərbaycan tərəfi ilə razılaşdırılmalı idi, lakin Aİ bunu etmək istəmədi və fərdi qaydada missiyanı göndərmək qərarını verdi.

Aİ-nin yeni qərarı bölgədə vəziyyətin sabitləşməsinə yox, gərginləşməsinə xidmət edir.

Milli.Az

 

Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics