Siyasət

ABŞ Konqresi: "erməniləri sevməyən adam" qalib gəldi

7 Yanvar 2023 10:23
Baxış: 9 036
#ABŞ

ABŞ Konqresinin Nümayəndələr Palatası 15 uğursuz cəhddən sonra özünə yeni spiker seçə bilib.

Səsvermənin nəticələrinə görə, respublikaçı konqresmen Kevin MakKarti qalib gəlib.

Birləşmiş Ştatların bütün aparıcı telekanallarının birbaşa translyasiya etdiyi səsvermənin sonuclarına görə, MakKartinin lehinə 216 səs verilib. Onun əsas rəqibi, demokrat Hakim Cefris 211 konqresmenin dəstəyini alıb. 6 konqresmen isə bitərəf qalıblar.

Palatanın spikeri postunda MakKarti kaliforniyalı demokrat, aşkar ermənipərəst Nensi Pelosini əvəzləyəcək.

Konqresdə 8-ci səlahiyyət müddətini icra edən MakKarti indiyədək Nümayəndələr Palatasındakı respublikaçı azlığın lideri idi.

Nümayndələr Palatasının spikeri postu ABŞ-da prezident və vitse-prezidentdən sonra önəminə görə 3-cü vəzifə sayılır. Son günlərdə spiker seçimi baş tutmadığından Nümayəndələr Palatasının fəaliyyəti iflic durumda idi: konqresmenlər andiçmə mərasimi keçirmədiklərindən fəaliyyətə başlaya bilmirdilər.

Kaliforniya ştatını təmsil edən 57 yaşlı Kevin MakKarti Azərbaycan və Türkiyəyə qarşı aqressiv mövqeyi ilə seçilməyib. O, Cənubi Qafqazdakı siyasi proseslərə neytral yanaşması ilə seçilir.

Bu səbəbdən də Birləşmiş Ştatlardakı erməni diasporu və lobbinq təşkilatları K.MakKartiyə antipatiya bəsləyirlər. Ölkədəki ermənilərin ən böyük və nüfuzlu təşkilatı olan "Amerika Erməni Milli Komitəsi" (Armenian National Committee of America, ANCA" konqresmen MakKartini dəfələrlə "zərərli siyasətçi, erməniləri sevməyən adam" adlandırıb.

Orxan Hun
Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.