Siyasət

Fransada yaşayan iranlı hüquq müdafiəçiləri Ağdama səfər ediblər - YENİLƏNİB - FOTO

28 Noyabr 2022 14:34

Baxış: 1 522

#SİYASƏT #CƏMİYYƏT

14:34

Təbriz əsilli və hazırda Fransada yaşayan azərbaycanlı tədqiqatçılar, İran azərbaycanlılarının insan hüquqları müdafiəçilərinin Ağdama səfəri başa çatıb.

Trend-in Qarabağ bürosunun məlumatına görə, Ərk İnsan Haqları Müdafiə Komitəsinin sədri Jalə Təbrizli və hüquq müdafiəçisi, yazıçı-tədqiqatçı Maşallah Rəzmi Ağdam şəhərinə səfəri zamanı ermənilərin xarabalığa çevirdiyi yaşayış məntəqələri ilə tanış olduqdan sonra yeni inşa olunan çoxmərtəbəli yaşayış binalarının tikintisi ilə yaxından baxış keçiriblərr.

Daha sonra qonaqlar Pənahəli xanın İmarət kompleksini, Xurşud Banu Nətavanın məzarını, Ağdam Cümə Məscidini və Şəhidlər xiyabanını ziyarət ediblər. Daha sonra qonaqlar İmarət abidə kompleksində olublar.

Qarabağ İqtisadi Rayonuna daxil olan işğaldan azad edilmiş ərazilərdə (Şuşa istisna olmaqla) Azərbaycan respublikası Prezidentinin xüsusi nümayəndəliyindən Araz İmanov gələn qonaqları Ağdamın Baş planı ilə tanış edib, hazırda rayonda gedən tikinti quruculuq işlərindən məlumat verib.

Qonaqların Ağdam səfərindən sonra Noyabrın 29-da Şuşa-Füzuli şəhərlərinə də səfərləri planlaşdırılır.

-------

12:25

Fransada yaşayan Təbriz əsilli hüquq müdafiəçiləri işğaldan azad edilmiş ərazilərə səfər ediblər.

Milli.Az-ın xəbərinə görə, Ərk İnsan Haqları Müdafiə Komitəsinin sədri Jalə Təbrizli və hüquq müdafiəçisi, yazıçı-tədqiqatçı Maşallah Rəzmi Ağdama gəliblər.

Onlar ilk olaraq Ağdamkəndin xarabalıqları ilə tanış olublar.

Qonaqlar gün ərzində erməni vandallığına məruz qalmış digər əraziləri ziyarət edəcək, Azərbaycan dövlətinin apardığı təmir-bərpa işləri ilə tanış olacaqlar.

Milli.Az